Bu gün XXX London Yay Olimpiadasında Azərbaycan kanoeçiləri Sergey Bezuqlıy – Maksim Prokopenko dueti ilk sınağına çıxıblar.
Qol.Az-ın məlumatına görə, idmançılarımız 2 nəfərlik qayıqla (C-2) 1000 metr məsafəyə yürüşdə qüvvələrini sınayıblar.
Bu məsafədə çıxış edəcək idmançılar iki qrupa bölünəcəklər. İkinci "altılıq"da yer alan kanoeçilərimizin rəqibləri də bəllidir.
Təmsilçilərimiz Nelson Henrikes – Fortunato Pakavira (Anqola), Sergey Torres – Xose Karlos Bulnes (Kuba), Liviu Lazar-Dumitresku – Viktor Mixalaki (Rumıniya), Andrey Baqdanoviç – Aleksandr Baqdanoviç (Belarus) və Erlon Silva – Ronilson Oliveyra (Braziliya) cütlükləri ilə mübarizə aparıblar.
Görüş Bakı vaxtı ilə saat 13:46-da başlayıb. Seçmə yürüşlərdə hər qrupda birinci yeri tutan duetlər birbaşa əsas finala yüksələcəkdi. Qalan 10 cütlük isə yenidən 2 qrupa bölünəcək və yarımfinala çıxmaq uğrunda mübarizə aparacaqdı.
Lakin yürüşü 3 dəqiqə 38 saniyəyə qət edən kanoeçilərimiz qrup qalibi kimi finala adlayıblar. Final yarışlarına isə avqustun 9-da start veriləcək.
Qeyd edək ki, Azərbaycan bu idman növündə olimpiada tarixində ilk dəfə təmsil olunacaq.
Avropanın rəmzi komandasında kimlər var?
Ən yaxşılar bəlli oldu: "Bavariya", "Arsenal"...
"Benfika"dan "Barselona"ya keçidi çətinləşdi
Salah qol vurdu, Misir millisi liderliyə yüksəldi
Levandovski ərəb klubuna gedir?
Fransa millisinin sabiq məşqçisi vəfat etdi
“Beşiktaş” 2 futbolçusunu heyətdən kənarlaşdırdı
"Liverpul" İsakın əvəzləyicisini axtarır
Baş məşqçi klubu tərk etməyə hazırlaşır
Ülvi Babayev klubunu dəyişir
Pelleqrini sıradan çıxdı
Komandası məğlub oldu, özü də ağır cəza aldı
"Real"ın "Santyaqo Bernabeu" ilə bağlı hədəfi
"Roma" yeni stadionunun planını təqdim etdi - Şəkil
AFFA üç klub rəsmisini futboldan uzaqlaşdırdı
