05.06.26
"Neftçi"nin baş məşqçisi Yuri Vernidub Misli Premyer Liqasının 32-ci turunda "Sabah"a qalib gəldikləri matç (2:1) haqda danışıb.
QOL.az xəbər verir ki, baş məşqçi qarşıya qoyulan ilkin hədəfə çatdıqlarını vurğulayıb:
"Düşünürəm ki, bu, bizim üçün çox gözəl axşamdır. Qarşımıza qoyulan maksimum tapşırığın öhdəsindən layiqincə gəldik və hədəfimizə çatdıq".
Ukraynalı mütəxəssis daha sonra jurnalistlərin suallarını cavablandıraraq gələcək hədəflərə aydınlıq gətirib:
- Komandaya gələrkən "Neftçi" avrokuboklar zolağından kifayət qədər uzaq idi. Bu işi üzərinizə götürərkən əmin idiniz ki, bu işin öhdəsindən gələcəksiniz?
- Mən Bakıya gələndə rəhbərlik tərəfindən qarşıma qoyulan əsas məqsəd "Neftçi"nin avrokuboklarda çıxış etməsini təmin etmək idi. Düzdür, həmin ərəfədə dördüncü pillədən çox uzaqlaşmışdıq. Amma bunun reallaşdırılmasının mümkün olduğuna inanırdım. Gəldikdən iki matç sonra çempionatda yaranan fasilə bizim karımıza gəldi. Həmin müddətdən maksimum yararlanaraq oyunçularımı daha yaxından tanımaq, potensiallarını görmək şansım oldu. İndi sizə səmimi qəlbdən deyirəm ki, bu gün mən çox xoşbəxt insanam.
- Motivasiya amili öz yerində, ancaq baş məşqçi komandada əsas olaraq nəyi dəyişdi ki, bu cür uğurlu seriya başladı?
- İlk növbədə işə hər bir futbolçu ilə fərdi söhbətlər aparmaqla başladım. Daha sonra komanda daxilindəki nizam-intizamı tam qaydasına saldıq. Biz dərk etməli idik ki, "Neftçi"yik və hər bir matçda meydana birinci nömrə kimi çıxmalıyıq. Ən azından bu çempionatın ən güclü komandaları olan "Qarabağ" və "Sabah" səviyyəsində görünməli idik. Mən öz oyunçularıma inandım, onlar da mənə güvəndilər. Fürsətdən istifadə edib klubun bütün işçi heyətinə də dərin təşəkkürümü bildirirəm, onlar da bu müddətdə əllərindən gələnin ən yaxşısını etdilər. Rəhbərliyə isə xüsusi minnətdaram, çünki hər zaman yanımızda oldular. Belə nəticələrin əldə edilməsində birlik amili həlledici rol oynayır və qələbəmizin əsas təminatçısı da məhz budur.
- Mövcud heyətlə avrokuboklarda istənilən uğuru qazanmaq mümkündürmü?
- Hazırda bəzi futbolçuların müqavilə müddəti başa çatır, bəzilərinki isə hələ davam edir. Bütün bu məsələləri yalnız mövsüm tam bitdikdən sonra ətraflı şəkildə dəyərləndirəcəyik. Təbii ki, komandaya yeni nəfəs lazımdır. Heç istəməzdim ki, avrokuboklarda cəmi bir mərhələ oynayıb məğlubiyyətlə geri dönək. Qarşıda bizi həddindən artıq böyük və ciddi işlər gözləyir. Yeni hədəflərə çatmaq üçün hər kəs əvvəlkindən daha çox çalışmalıdır.
"Arsenal"a keçə bilər
Azərbaycan millisi Maltaya uduzdu
FİFA "pulsuz" satılan biletlərin ödənişini tələb edir
Slot London klubunun təklifini rədd etdi
Azərbaycan klublarının yay transferləri - Yenilənir
Xəyal Əliyev zədələndi, meydanı xərəkdə tərk etdi - Video
Sadıq Sadıqov dünyasını dəyişdi
"Şamaxı" onu da yola saldı
Mbappe artıq ən bahalı futbolçu deyil
Azərbaycan - Malta: Heyətlər
DÇ-2026-nın "ölüm qrupu"nda hansı ölkələr var?
Messi və Son Hın Min eyni komandada
Azərbaycan millisi Macarıstana uduzdu
"Yeni transferlər olacaq" - Zaur Həşimov
Millinin futbolçuları arasında gərginlik - Şəkil
"Neymar sabah müayinədən keçəcək"
"Real" aşağı liqaya düşən klubun futbolçusuna göz dikdi
Misli Premyer Liqası klublarına nə qədər ödəniş ediləcək?
“Şəfa” yeni baş məşqçisini açıqladı - Şəkillər
"Liverpul"dan ayrılan futbolçu "Tottenhem"də - Rəsmi
"Beşiktaş"ın yeni baş məşqçisi açıqlandı
Səhhətində narahatlıq yarandı, millidən ayrıldı
