"Turan Tovuz" Berdıyev üçün apellyasiya şikayəti edəcək

"Turan Tovuz" Berdıyev üçün apellyasiya şikayəti edəcək
XƏBƏR 12 Fevral 2026 / 13:50 612
-  A +

"Turan Tovuz" baş məşqçisi Kurban Berdıyevin 4 oyunluq cəzalandırılması ilə bağlı AFFA-nın Apellyasiya Arbitraj Tribunalına şikayət edəcək.

Bu barədə QOL.az saytına açıqlamasında klubun mətbuat xidmətinin rəhbəri Süleyman Tağıyev danışıb.

Ötən gün AFFA İntizam Komitəsinin iclası keçirilmiş və mütəxəssisə 4 matçlıq cəza təyin edilmişdi. Buna səbəb Azərbaycan kubokunun 1/4 final mərhələsinin ilk oyunları çərçivəsində "Kəpəz"ə qarşı görüşdə etdiyi hərəkətlər olub. K.Berdıyevə hakimi itələdiyinə görə birbaşa qırmızı vərəqə aldıqdan sonra hakimləri təhqir etdiyi üçün belə bir cəza verilib.

"Turan Tovuz" rəsmisi isə qərarla razılaşmadıqlarını və apellyasiya şikayəti edəcəklərini söyəyib: "Bu qərardan apellyasiya şikayəti verəcəyik. Etirazımız sırf baş məşqçinin cəzalanlandırılması ilə bağlıdır. Dörd oyunluq cəza ilə razı deyilik".

Qeyd edək ki, K.Berdıyev 2024-cü ildən bölgə təmsilçisini çalışdırır.


Son xəbərlər
topaz banner