20:09
Ukrayna Futbol Assosiasiyasının prezidenti Andrey Şevşenko FİFA prezidenti Canni İnfantinonun Rusiyanın beynəlxalq yarışlara qaytarılması ilə bağlı açıqlamalarına münasibət bildirib.
QOL.az xəbər verir ki, o, bu barədə bu gün keçirdiyi mətbuat konfransında danışıb:
“İstəyirəm həftənin əsas xəbəri ilə başlayım. Bu xəbər hər kəsi sarsıtdı və hər kəsi maraqlandırır. Sözügedən məsələ FİFA prezidenti Canni İnfantinonun rus futbolçularının yarışlara qayıtması ilə bağlı müsahibəsidir. Ukrayna Futbol Assosiasiyası dərhal reaksiya göstərdi. Siz hamınız bizim bəyanatımızı gördünüz. Biz mövqeyimizi açıq şəkildə ifadə etdik və bu mövqe dəyişməz olaraq qalır: müharibə bitməyincə, rusların futbola qayıtmasına qəti etiraz edirik.
Son günlər FİFA nümayəndələri ilə müxtəlif səviyyələrdə ünsiyyət oldu. FİFA Şurası rusların qayıtması məsələsini müzakirə etmir. Bu barədə məlumatı Avropa KİV-ləri də yayıb".
Şevçenko bildirib ki, FİFA prezidenti ilə görüşü nəzərdə tutulur:
"Mən Canni İnfantino ilə görüş planlaşdırıram ki, Ukraynadakı müharibə və mövqeyimizi bir daha konkret şəkildə çatdırım. Müxtəlif assosiasiyalardan olan həmkarlarımız bizi dəstəkləyir. Bu dəstək olduğu müddətcə rusların yarışlara qayıtması müzakirə edilmir”.
Slot: “Əsəbi və məyusam”
Nəriman nə vaxt gedir?
"Mançester Siti"dən "Liverpul" üzərində əzmkar qələbə
"Zirə"nin 3 qollu qələbəsindən - Video
"Atletik" evdə "Levante"ni məyus etdi
"Məsuliyyəti müdafiə xəttinin üzərinə atmazdım" - Saşa İliç
"Bəlkə bir futbolçu ilə gücləndik" - Rəşad Sadıqov
Taliska "Fənərbaxça"da qaldı - Rəsmi
Cüdoçumuz “Böyük Dəbilqə”də gümüş medal qazandı
"Sabah" "Araz-Naxçıvan"a, "Zirə" "Sumqayıt"a qalib gəldi
