18:39
"Mançester Siti"nin baş məşqçisi Xosep Qvardiola Premyer Liqa çərçivəsində "Vulverhempton"la matçda Erlinq Haalandı start heyətinə daxil etməyib.
QOL.az xəbər verir ki, norveçli futbolçunun ehtiyatda qalmasının əsas səbəbi onun son 8 oyunda qol vura bilməməsi olub. Halbuki Haaland "Mançester Siti"nin son 22 çempionat matçında start heyətdə meydana çıxaraq 20 qola imza atmışdı. Onun son qolu yanvarın əvvəlində "Brayton"la görüşdə penaltidən olub. Futbolçu dekabr ayından bəri fərqlənə bilməyib.
Xatırladaq ki, Haaland sonuncu dəfə noyabrın 25-də "Bayer"lə matçda meydana sonradan daxil olmuşdu. Oktyabrın 29-da "Suonsi" ilə Liqa Kuboku oyunundan bəri isə heç bir qarşılaşmanı tam buraxmamışdı. Qvardiola ötən həftə "Nyukasl"la matçdan sonra hücumçunun yorğun olduğunu etiraf edib.
Norveçli forvard “Mançester Yunayted”ə (0:2) və Çempionlar Liqasında “Bodo Qlimt”ə qarşı (1:3) məğlubiyyət matçında da gözləntiləri qarşılamayıb. Nəticədə, Qvardiola Premyer Liqanın sonuncusu olan "Vulverhempton"la oyunda ən yaxşı bombardirini ehtiyatda saxlamaq qərarına gəlib.
İspaniyalı mütəxəssis "Sky Sports"a açıqlamasında qərarını belə izah edib:
“Oyunların sayı çoxdur. Mən ona həm zehni, həm də fiziki baxımdan bərpa olunmaq imkanı vermək istəyirəm. Heyət seçimim həmişə həmin gün üçün ən doğru qərar olduğuna inandığım variant üzərində qurulur”.
Xatırladaq ki, Çempionlar Liqasının 8-ci turu çərçivəsində "Mançester Siti" "Qalatasaray"la qarşılaşacaq. Mövcud vəziyyətdə Haalandın bu matçda yer alıb-almayacağı sual altına düşüb. Qeyd edək ki, qarşılaşma yanvarın 28-də keçiriləcək və Bakı vaxtı ilə saat 00:00-da başlayacaq.
"Şəmkir"də yeni təyinat
Ferran Torres PSJ-də
Kurtua qayıdır
Toy, toy, toydur bu gün…
Sabiq "Arsenal"lı"Kristal Pelas"da
Bennaser "Milan"dan ayrıldı
Zidanın oğlu ilə müqaviləyə xitam verildi
"Mançester Yunayted" 18 yaşlı futbolçu aldı
"Sumqayıt" Qətər klubu ilə heç-heçə etdi
Rusiya “Çernomorets”in stadionunu raketlə vurdu - Video
"Real"ın futbolçusu "Fiorentina"ya keçdi - Rəsmi
"Barselona"nın ilk rəsmi təklifi rədd edildi
"Borussiya"nın futbolçusu A seriyası klubunda
“Bizim xarakterimizdə təslim olmaq yoxdur” - Musa Qurbanlı
Albaniya da İnfantinoya dəstəyini geri götürdü
“Zirə” Namik Ələskərovla yolları ayırdı
"Milan"ın üçüncü forması - Şəkillər
"Tottenhem"də yeni müqavilə
"Qarabağ"dan Elvin Cəfərquliyev açıqlaması
Qazaxıstan millisində yeni baş məşqçi
Türkiyə millisinin üzvü La Liqa klubunda
"Yuventus"un yeni dizaynlı formaları - Şəkillər
Albaniya klubuna keçən Kamil "Liverpul"da oynamaq istəyir
“Qarabağ”a vurduğu qoldan danışdı
