Afrika Kuboku tarixində yeni qol rekordu müəyyənləşdi

Afrika Kuboku tarixində yeni qol rekordu müəyyənləşdi
DÜNYA FUTBOLU 15 Yanvar 2026 / 22:39 6657
-  A +

Afrika Millətlər Kuboku çərçivəsində yeni rekord qeydə alınıb.

QOL.az xəbər verir ki, Seneqal millisinin ulduz hücumçusu Sadio Mane Misirlə yarımfinal qarşılaşmasında yeganə qolun müəllifi olub. O, oyunun 78-ci dəqiqəsində fərqlənərək Məhəmməd Salahın komandasını turnirdən kənarlaşdırıb.

Bu qol həm də statistik baxımdan tarixi əhəmiyyət daşıyır. Belə ki, Manenin vurduğu top cari turnirdəki 120-ci qol olub və bu, Afrika Kuboku tarixində yeni mütləq rekorddur. Bundan əvvəlki ən yüksək göstərici (119 qol) 2023-cü ildəki turnirdə qeydə alınmışdı.

Qeyd edək ki, Seneqal yığması finalda Mərakeş millisi ilə üz-üzə gələcək. Qitənin ən nüfuzlu turnirinin həlledici görüşü yanvarın 18-də, bazar günü Mərakeşin Rabat şəhərində keçiriləcək.


Son xəbərlər
25.04.26  17:14

"Ayaks"dan gedir

25.04.26  15:39

Mbappe zədələndi

24.04.26  20:15

"Real"da ciddi itki

topaz banner