21:32
Afrika Millətlər Kubokunun yarımfinal mərhələsində Seneqal və Misir milliləri arasındakı qarşılaşmada gərgin anlar yaşanıb.
QOL.az "Dailysports"a istinadən xəbər verir ki, matçın 40-cı dəqiqəsində Misir yığmasının futbolçusu Məhəmməd Salahın Sadio Maneyə qarşı kobud oynaması meydanda gərginliyi artırıb. Futbolçular və məşqçilər korpusu hadisəyə dərhal sərt reaksiya verib. Hər iki komandanın ehtiyat oyunçular skamyası arasında qarşıdurma yaransa da, xoşbəxtlikdən insident tez bir zamanda yatırılıb.
Seneqal millisinin futbolçusu Kalidu Kulibali ilə də işlər yolunda getməyib. Misirlə oyunda sarı vərəqə alan müdafiəçi cəzalı duruma düşdüyü üçün komandası finala çıxacağı təqdirdə həlledici matçı buraxmalı olacaqdı. Lakin təcrübəli futbolçu bu görüşdə də komandasına sona qədər kömək edə bilməyib və meydanı erkən tərk etmək məcburiyyətində qalıb.
Qeyd edək ki, qarşılaşma hazırda davam edir və qapılara qol vurulmayıb.
"Qarabağ"a rəqib oldular
Növbəti Bundesliqa matçı təxirə salındı
Serxio Ramos bu dəfə gücünü rinqdə sınadı - Video
"Real"ın məşqçilər heyəti müəyyənləşdi
"Fənərbaxça" ərəblərdən futbolçu almağa hazırlaşır
Hakan Çalhanoğlu sıradan çıxdı
Yarımmüdafiəçi qolları ilə komandasının ən yaxşısı seçildi
