14:53
“Nəriman həddindən artıq tənqid olundu. Sanki meydanda (“Qarabağ” – “Ayaks” -red.) olan təkcə Nəriman olub. Başqalarının səhvləri görünmədi. Ümumi olaraq “Qarabağ” yaxşı oynadı, amma səhv edən, top itkilərinə yol verən digər oyunçular idi”.
Bu sözləri QOL.az-a açıqlamasında Azərbaycan millisinin və “Qarabağ”ın sabiq futbolçusu Əfran İsmayılov deyib.
“Qarabağ”ın hücumçusu Nəriman Axundzadənin son günlər çox tənqid olunmasına münasibət bildirən veteran futbolçu qeyd edib ki, belə istedadlı oyunçuları qorumaq lazımdır:
“Nəriman hazırda Azərbaycanda tək-tük hücumçulardandır. Onsuz da Azərbaycanda getdikcə yaxşı futbolçuların kökü kəsilir. Hamı legionerə üstünlük verir. Biz isə Nərimanı batırırıq, yox etməyə çalışırıq. Hansı ki, bu cür futbolçuların qədrini bilmək lazımdır. Azarkeşləri də başa düşürəm. Mən özüm də “Qarabağ” “Ayaks”a uduzanda çox dilxor oldum. Bilirəm ki, azarkeşlər də yandığından o sözləri deyir. Amma komandada təkcə Nəriman oynamırdı”.
Hazırda “Araz-Naxçıvan”da məşqçilər korpusunda yer alan İsmayılov özünün də futbolçu dönəmində müəyyən vaxtlarda çox tənqid olunduğunu xatırladıb və gənc hücumçuya məsləhətlərini verib: “Nərimanın özü də möhkəm olmalıdır. Sosial şəbəkələrdən uzaq durmalıdır, çox şeyi oxumamalıdır, öz məşqlərinə fikir verməlidir. Məni də çox tənqid edirdilər, amma sosial şəbəkələrdə olmadığıma görə heç nəyi görmürdüm. Hərdən bu barədə komanda yoldaşlarım mənə danışırdı. Amma mən onları görmədiyimə görə öz işimdə idim. Hamının fikrinə də hörmətlə yanaşırdım”.
Ə.İsmayılov onu da qeyd edib ki, Nəriman Axundzadə yaxın illərdə futbolda öz sözünü deyəcək: “Nəriman bir futbolçu kimi yüksək keyfiyyətlərə malikdir. İnsan kimi də sevilən, səmimi biridir. İnanıram ki, əsl Nərimanı üzümüzə gələn illərdə görəcəyik. Heç nəyə fikir verməməlidir. Əslində bunu deməyimizə ehtiyac yoxdur. Onun yanında Qurban Qurbanov kimi baş məşqçisi var. Bizim hamımızı yetişdirən Qurban müəllim olub. Özüm də bu yolu keçdiyimə görə məsləhətim odur ki, işi ilə məşğul olsun. Hər şey arxada qaldı. Nəriman çempionat oyununda da qol vurdu. Hazırda Nəriman Azərbaycanın ən güclü hücumçularından biridir. Yaxın gələcəkdə isə onun yerinə legioner gəlməyəcək. Kimliyindən asılı olmayaraq legioner hücumçunu ehtiyat oyunçular skamyasında oturdacaq".
Ramiq Ağaməmmədov
Qattuzo qovulacaq
Ronaldonun klubunda ciddi itkilər var
"Real" 18 yaşlı futbolçunu hədəf aldı
Süni intellektlə idarə olunacaq klub yaradılır
Ançelotti 3 futbolçu arasında qaldı
Keyn sıradan çıxdı
İntizamsızlığı ona baha başa gəldi
Millinin qapıları Danillonun üzünə bağlandı
Yapon azarkeşlər “Uembli”ni də təmizlədi - Video
Yamal dilə gəldi: "Bu, cahillikdir"
"Tottenhem"in baş məşqçisinin ilk transfer hədəfi bəlli oldu
"Çelsi"dən antirekord
Mövsüm ərzində 4-cü dəfə zədələndi
Azərbaycanı 43 boksçu təmsil edəcək
1-ci liqada həftənin hakimləri məlum oldu
Azərbaycanlı qadın hakimlərə UEFA-dan növbəti təyinat
Azərbaycan millisi FİFA reytinqində irəlilədi
AFFA təcavüzkar davranan anqolalını cəzalandırdı
Maqomed Adiyev istefaya göndərildi
AFFA bu komandaları yarışlardan kənarlaşdırdı
Qattuzonun gələcəyi ilə bağlı açıqlama: Qovulacaq, ya yox?
AFFA "Kəpəz"i 6500 manat cərimələdi
Hər şeyə qulp qoymaq şakərimiz...
İraqda milli komandaya görə 2 gün iş olmayacaq
Ançelotti Modriçə: "Sənin braziliyalı baban var?"
Vaqif Cavadov Azərbaycan millisinə məşqçi təyin olundu
"Oyunçularıma dedim ki, gedin və əylənin"
Qattuzo üzr istədi
Ronaldosuz Portuqaliya ABŞ-ı məğlub etdi
“Qələbəni tənqid ediriksə, məğlub olsaq, nə edərdik?”
