20:57
Fransa millisinin futbolçusu İbrahima Konate DÇ-2026-nın seçmə mərhələsinin 6-cı turunda Azərbaycanla keçiriləcək oyun öncəsi mətbuat konfransında jurnalistlərin suallarını cavablandırıb.
QOL.az “Liverpul”un müdafiəçisinin fikirlərini təqdim edir:
- Sabah kapitan siz olacaqsınız? Komandaya nə deyəcəksiniz?
- Kapitan olub-olmayacağımı bilmirəm, bunu baş məşqçidən soruşmaq lazımdır. Qarşıdakı oyun çətin keçə bilər, lakin əsas məsələ oyundan zövq almaqdır. Buraya Fransanı təmsil etməyə gəlmişik. Məqsədimiz rəqibdən xal qazanmaqdır.
- Azərbaycanla matçda qapıda millinin ikinci qapıçısı dayanacaq?
- Bu, məndən asılı deyil, buna baş məşqçi qərar verir. O, yüksək keyfiyyətli qapıçıdır. Ümid edirəm ki, sabah ilk dəfə qapıda dayanacaq və Fransa millisinin formasını uğurla təmsil edəcək.
- Parisdəki matçda Azərbaycana qarşı çətinlik çəkmişdiniz...
- Bəli, Parisdəki görüşdə Azərbaycan millisi bizi müsbət mənada təəccübləndirmişdi. Artıq matçın nəticəsi necə olursa-olsun, oynayacağıq. Sabah hesabın necə olmasından asılı olmayaraq, nəticələrdən daha çox oyundan zövq almağa fokuslanmalısınız. Fransa xalqının qarşısında öz məsuliyyətimiz var.
- Azərbaycan millisinin heyətində əksər oyunçular "Qarabağ"ı təmsil edir. Azərbaycan klubu Çempionlar Liqasında "Liverpul"un rəqibidir. "Qarabağ"ın belə uğurlu çıxışı sizi təəccübləndirib?
- Bakı gözəl şəhərdir. Səmimi olacam, Azərbaycanla Fransadakı oyunda çətin anlar yaşadıq. Bunu qəbul etməliyik. Gələcək matçlara fokuslanmırıq, anı yaşayırıq. Azərbaycan millisi 0:3 uduzsa da, müsbət keyfiyyətlər göstərdi. Əminəm ki, sabah da bunu göstərəcəklər. Biz də milli olaraq xal qazanmağa çalışacağıq.
Premyer Liqa klubu Kenan Yıldızla maraqlanır
Zədəsinə görə millinin məşqini buraxdı
Almaniya - Kot-d’İvuar matçının heyətləri açıqlandı
Niderland da 100-ü keçdi
İtaliyalı futbolçu yüksək maaş tələb edir
"Real"dan Olise açıqlaması
Daha 1 il “Şahdağ Qusar”da
"Qarabağ" "Zirə"yə qalib gəldi
Niderland - İsveç: Heyətlər
"Turan Tovuz"da 2 ayrılıq
“Neftçi” onunla müqaviləni yenilədi
Millinin baş məşqçisi start heyəti planından danışdı
"Türk xalqını məyus etdiyim üçün üzr istəyirəm"
“Zirə”dən yeni transfer
Bölgə klubu məşqçisini göndərdi
"Vaxt itirəcəksən və mundiala hazır olmayacaqsan"
“Neftçi” heyətini braziliyalı futbolçu ilə gücləndirdi
"Xəcalət çəkirik, utanırıq" - Arda Güler
"Qarabağ" Avstriya klubu ilə qarrşılaşacaq
"Zirə" onunla yolları ayırdı
Dünya Çempionatı 2026
Xəbərlər
Təqvim
Cədvəl