“İlk növbədə "Olimpiakos"u 1/8 finala yüksəldikləri üçün təbrik edirəm. Ümumilikdə stadionda gözəl ab-hava hökm sürürdü. Futbolçularımın yaxşı mübarizə aparması mənim üçün çox vacib idi və mən meydanda bunu gördüm".
QOL.az xəbər verir ki, bu sözləri “Qarabağ”ın baş məşqçisi Qurban Qurbanov Avropa Liqasının Liqa mərhələsinin 8-ci turunda “Olimpiakos”la səfər matçından sonra deyib.
Ağdam təmsilçisi Yunanıstan klubuna 0:3 hesabı ilə uduzub. "Qarabağ" Liqa mərhələsini 3 xalla sonuncu pillədə başa vurub. "Olimpiakos" isə 1/8 finala adlayıb.
Q.Qurbanov isə oyundan sonra təşkil olunan mətbuat konfransında bu məğlubiyyətdən danışıb:
"Təəssüf ki, səhvlər ucbatından qapımızda 3 qol gördük. Hər halda, Avropa Liqası bizim üçün başa çatdı. Bütün bu matçlar bizim üçün böyük təcrübə oldu. Keçirdiyimiz oyunlar gələcəkdə öz faydasını verəcək. Avropada futbol köklü şəkildə dəyişir. Mən həmişə futbolçularıma yaxınam. Bütün bu illər ərzində biz çoxlu belə matçlardan keçmişik. Həm uğurumuz, həm də uğursuzluğumuz olub”.
Q.Qurbanov "1 il əvvəl "Qarabağ" Avropa Liqasının 1/4 finalının 1 addımlığında idi. Cari mövsüm isə ən çox qol buraxan komanda kimi əsas mərhələdə sonuncu yerdə qərarlaşıb. Bu mövsümlə ötən mövsüm arasında nə fərq var?" sualını belə cavablandırıb:
"Mən dəfələrlə demişəm ki, hər il uğur qazanmalıyıq deyə bir qayda yoxdur. Pis mövsümlər də olur. Bəli, çox şey əldən verdik. Bu o deməkdir ki, müdafiədə zəif oynadıq və bunu qəbul etmək lazımdır. Amma çox yaxşı komandalara qarşı matçlar keçirdik. Bəli, ötən mövsüm biz daha yaxşı nəticə əldə etmişdik. Lakin bu mövsüm qarşımıza qoyduğumuz məqsədə çata bilmədik. Bəzən rəqibin səndən üstün olur. Bu gün birinci hissədə hər şey yaxşı idi. Amma belə matçlarda təzyiqi sona qədər saxlamaq vacibdir. Bəli, problemlərimiz var və biz onları aradan qaldırmağa çalışırıq. Digər tərəfdən, bir il ərzində komandanı eyni səviyyədə saxlamaq çox çətindir. Çünki futbol komanda oyunudur. İstənilən halda, bu mövsüm bizim üçün böyük təcrübə oldu. Oyunumuzu daha yaxşı təhlil edib səhvlərimizi görməyə vaxtımız olacaq".
Bu qış "Qarabağ"ın Juninyonun "Flamenqo"ya transferindən 5 milyon avro qazandığı iddia edilir. Q.Qurbanov əldə edilən gəlirlə klubun yeni futbolçular alıb-almayacağı haqqında da danışıb:
"Bu böyük bir mövzudur. Suala cavab vermək üçün lazım olan təfərrüatlara varsam, çox vaxt aparacaq. Juninyo komandamızda olarkən Liqa mərhələsinin 6 matçından 5-də uduzmuşduq. Nəticələr göstərir ki, oyunumuz kifayət qədər zəifdir. Lakin bəzi matçlarda çox yaxşı görünürdük. 5 milyondan danışsaq, bu, vəziyyəti yaxşılaşdırmayacaq. Liqa məhələsinin 36 iştirakçısının büdcəsini sıralasaq, biz sondan 3-cü və ya 2-ci olacağıq. Büdcəsi yüz milyonlarla hesablanan komandalara qarşı oynadıq. Onların futbol təfəkkürü nəzərə alınaraq, bir-iki milyona futbolçu almaqla işimizin düzələcəyini söyləmək düzgün olmaz. Bu və ya digər futbolçunun bizə gəlmək istəyəcəyi məlum deyil. Yenə də bunu ətraflı müzakirə etmək lazımdır. Biz heç vaxt futbolçuları 5 milyona satmamışıq. yüksək keyfiyyətli komanda formalaşdıraraq işimizi çox gözəl idarə etmişik. İndi "Qarabağ" yüksək keyfiyyətdədir, sadəcə olaraq, bu Avropa mövsümü uğursuz oldu. Komandanın gücləndirilməsinə gəlincə, biz bütün il bu barədə düşünürdük. Təəssüf ki, bəzi çətinliklərimiz oldu. Amma hələ vaxtımız var və inanıram ki, bunun ən az 50 faizini reallaşdıra biləcəyik".
"Liverpul"la razılaşdı
Alonso seçim arasında qaldı
Millimizin Çexiya ilə oyununun yeri və vaxtı bilindi
"İmişli" braziliyalı oyunçunu transfer etdi - Rəsmi
PSV Çempionşipdən onu transfer etdi
Hakimi 15 ilədək həbs oluna bilər
"Neftçi"nin Kipr klubu ilə oyununda 4 qol
"Biz "Real"dan daha çox gücləndik"
"Aris"lə oyunda xarakter göstərdik" - Patrik Andrade
AFFA-da bu vəzifənin icrası ona tapşırıldı
"Bavariya"nın qapıçısının 6 yaşlı oğlu dünyasını dəyişdi
Qavi: "Ter Ştegen "Barselona"nın əfsanəsidir"
Əliyar Ağayev Avropa Liqası matçına təyinat aldı
"Şkendiya" azərbaycanlı azarkeşlərə nə qədər yer ayırıb?
QOL.az sizə daha əlçatan oldu!
"Qarabağ" ÇL-də "pley-off"a yüksəlsə - Potensial rəqiblər...
"Çelsi" futbolçusunu icarəyə verdi
Şkrinyar birdəfəlik "Fənərbaxça"da - Rəsmi
Azərbaycanlı hakimə UEFA-dan daha bir təyinat
Klublarımızın Konfrans Liqasındakı oyunlarının vaxtı bilindi
"Sabah"ın "Levski" ilə oyunlarının hakimləri açıqlandı
"Kəpəz"də daha bir ayrılıq
Orxan Əliyev Qırğızıstanda növbəti qolunu vurdu
PFL-dən Premyer Liqa ilə bağlı qərar
"Turan Tovuz" Albaniya və Mərakeş klubları ilə qarşılaşacaq
“Araz Naxçıvan”ın heyrətamiz incəlikləri…
"Klub adına yaxşı bir tarix yazdıq" - Bəxtiyar Həsənalızadə
Zamiq oynadı, komandası mərhələ adladı
Elnur Məmmədli AFFA-dan getdi
"Hər mövqedə çatışmazlıqlar var" - Adil Şükürov
Türkiyə futbolunun ən bahalı transferi oldu
UEFA reytinqində xallarımız yenə artdı
"Beşiktaş" yenə "Şaxtyor"a uduzdu
"Zirə" avrokuboklarla belə vidalaşdı - Video
"Özümü qalib kimi hiss edirəm" - Rəşad Sadıqov
“Sabah”ın Konfrans Liqasında növbəti rəqibi müəyyənləşdi
"Zirə" Konfrans Liqasında mübarizəni dayandırdı