31.07.25
"Legioner limiti aradan qaldırılarsa, qərarın düzgün olub-olmayacağını zaman göstərəcək. Amma fikrimcə, bu, Azərbaycan futbolu üçün heç də faydalı olmayacaq. Bəlkə kimin üçünsə, nə üçünsə düzgün ola bilər. Lakin həqiqətən də belə qərar futbolumuzu geri aparacaq".
Bu sözləri QOL.az saytına açıqlamasında Azərbaycan millisinin sabiq üzvü, hazırda "Araz-Naxçıvan"ın məşqçisi işləyən Əfran İsmayılov deyib.
Son vaxtlar AFFA İcraiyyə Komitəsinin növbəti iclasında Azərbaycan futbolunda legioner limitinin tamamilə ləğvi ilə bağlı məsələnin müzakirə ediləcəyinə dair xəbərlər yayılıb. Hazırda bu məsələ mediada mütəxəssislər tərəfindən müzakirə edilir.
Ə.İsmayılov bildirib ki, legioner limiti aradan qaldırılarsa, yerli futbolçular problemlərlə üzləşəcəklər: "Onda gərək akademiyaları, futbolçu yetişdirməyi, strategiyanı kənara qoyaq. Avrokuboklar üçün oynayan komandalar legionerlərlə daha irəli gedəcək. Amma fakt budur ki, yerli futbolçular yetişməyəcək. Heç kim akademiyaya önəm verməyəcək.
Bəziləri deyir ki, legioner limiti ləğv olunsa, azərbaycanlı futbolçular xarici klublarda oynayacaqlar. Kim gedəcək? Hansı azərbaycanlı futbolçu xaricdə oynayacaq? Bu da maraqlıdır. Cəmi 1-2 futbolçu gedə bilər. Onlar da Toral Bayramov, Elvin Cəfərquliyevdir. Bir sözlə, legioner limitinin ləğvi mövzusu çox acınacaqlı məqamdır. 4-5 klub legionerlər gətirəcək, qalanları da hansı azərbaycanlıları transfer edəcək, hansılar etməyəcək, sual altındadır. Bu, Azərbaycan futbolunun çöküşü olar.
Necə olacağını zaman göstərəcək. Hansı qərar qəbul edilsə, çalışacağam ki, hörmətlə yanaşım. Amma öz şəxsi fikrimdir ki, bu, məyusedici bir qərar olar. O zaman Azərbaycanın olmayan Azərbaycan futbolu da yoxa çıxacaq. Hansı futbolçular milli komandada oynayacaq? Onsuz da çox yerli futbolçu oynamırdı. Çünki uşaq yetişirdi, 19, 21 yaşa kimi gəlirdi. Əsas komandalara çatanda isə məşqçilər risk edib onları oynatmırdılar. Həmin məşqçini də başa düşürdüm".
Əfran İsmayılov düşünür ki, limit ləğv olunsa, klublar yerli futbolçunu heç yaxına da buraxmayacaqlar: "U-19-da da oynatmaq istəməyəcəklər. Çünki biləcəklər ki, onsuz da əsas komandada çıxış etməyəcək".
Gənc mütəxəssis hazırkı legioner limitinin - 7+4 qaydasının qorunmasının daha məqsədəuyğun olduğunu bildirib: "Legioner limiti normal idi də. İndi 7+4 qaydasıdır. Sonra qerar verildi ki, yeni mövsümdən 8+3 olsun. Bu da başadüşülən idi. Ən azından 3 yerli futbolçu oynayır. Məcburiyyətdən azərbaycanlı futbolçuları tapıb-çıxarardıq. İstəyirdik ki, yerli futbolçular daim formada qalsınlar. Çünki onlar sonra gedib millidə çıxış edirlər. Amma limitin dəyişməyi, 11 legionerin oynamağı hansı faydanı verəcək, bilmirəm. Zaman göstərəcək. Görünən odur ki, azərbaycalı futbolçular yox vəziyyətinə gəlib çıxacaqlar".
Nur Zeynalova
"Sabah"ın 4 qollu qələbəsi - Video
"Bilirdik ki, rəqibdən güclüyük" - Valdas Dambrauskas
"Bu cür uduzmaq xoş olmur" - "Petrokub"un baş məşqçisi
"Hayduk" - "Zirə": Heyətlər
“Sabah” Konfrans Liqasında 3-cü mərhələyə adladı
"Aris" - "Araz-Naxçıvan": Heyətlər
"Sumqayıt" "Kəpəz"ə qalib gəldi
13 ildən sonra "Mançester Siti"dən ayrıldı
“Qarabağ” UEFA reytinqində irəlilədi
"Çelsi"dən "Sanderlend"ə
"Barselona"nın oyununda 10 qol - Video
"Sabah" - "Petrokub" matçı üçün - Heyətlər
"Sumqayıt"dan yeni transfer - Rəsmi
"İmişli" serbiyalı futbolçu transfer etdi
"Neftçi"nin sonuncu oyununun vaxtı məlum oldu
Laporta Messi və Yamaldan danışdı
1-ci liqa klubunda daha 2 ayrılıq
Klublarımızın bugünkü oyunlarını yayımlayacaq kanallar
"Qarabağ"ın oyunu məşhur hakimə tapşırıldı
Azərbaycanda ilk
Arxı tullanmamış “hopp” deməyin axırı…
AFFA Premyer Liqanın 2 klubuna möhlət verdi
"Çelsi"də 7 illik müqavilə
İbrahima Vadji yenidən Azərbaycanda - Rəsmi
“Şkendiya”nın baş məşqçisindən “Qarabağ” açıqlaması
Azərbaycan klubları avrokuboklarda 150-yə çatdı
“Mən Konfrans Liqasında oynamaq istəmirəm” - Kadi
Həm “Qarabağ”ın futbolçusu olub, həm də “Şkendiya”nın baş məşqçisi - QOL.az-a nə danışdı?
Tahir Gözel: “Daha iki transferimiz olmalıdır”
Messidən 2 qol ötürməsi
Çempionlar Liqasında 2-ci təsnifat mərhələsinə yekun vuruldu
Azərbaycan güləşçisi dünya çempionu oldu
"Qarabağ" "Şelburn"u belə məğlub etdi - Video
"Qarabağ"ın "Şkendiya" ilə oyunlarının vaxtı bilindi
Azərbaycan UEFA reytinqində irəlilədi
"Kəpəz" onun transferini rəsmən açıqladı
Qurban Qurbanov: “Transferə ehtiyacımız var”
"Hesabı bərabərləşdirə bilərdik" - "Şelburn"un baş məşqçisi
“Qarabağ” Çempionlar Liqasının 3-cü mərhələsində!
