21:51
Braziliya millisinin sabiq hücumçusu Adriano üçün vida oyununu keçirilib.
QOL.az xəbər verir ki, “Marakana” stadionunda təşkil olunan matçda “Flamenqo əfsanələri” və “İtalyan dostlar” qarşılaşıb.
42 yaşlı forvard hər hissəsində bir komandanın formasında oynayıb və hər iki komandada 1 qol vurub. Qarşılaşma “Flamenqo əfsanələri”nin 4:3 hesablı qələbəsi ilə başa çatıb.
Matçın 30-cu dəqiqəsində stadionun ekranında Adrianonun 2004-cü ildə dünyasını dəyişən mərhum atasının şəkli göstərilib. Atasının səsi süni intellekt vasitəsilə səsləndirilib. Adrianoya göndərilən mesaj onun göz yaşlarına səbəb olub.
Qeyd edək ki, Adriano 2016-cı ildə karyerasını başa vurub. İçki düşgünü olan hücumçu 34 yaşında futbolla vidalaşıb. Avropada "İnter"dəki çıxışı ilə tanınan futbolçu "Parma", "Fiorentina" və "Roma"da da oynayıb. O, Braziliya millisində 51 oyuna 29 qol vurub.
Salah Lemparda çatdı
"Nəticə bizi məyus etdi”
“Ayaqlarım imkan verdiyi müddətcə oynamağa davam edəcəyəm”
Hələlik ən çox qol vuran futbolçu odur
Dembele yenidən zədələndi
