2026-cı ilin iyun ayında Azərbaycan yenidən cüdo dünyasının mərkəzinə çevriləcək və Dünya Çempionatına ev sahibliyi edəcək.
QOL.az xəbər verir ki, bu barədə Beynəlxalq Cüdo Federasiyası və Azərbaycan Cüdo Federasiyası arasında müvafiq razılıq əldə edilib.
Qeyd edək ki, cüdo üzrə Los Anceles 2028 Yay Olimpiya Oyunlarına lisenziya təsnifat yarışlarına Bakıda keçiriləcək dünya çempionatı ilə start veriləcək.
Bu nüfuzlu tədbir, yeni Olimpiya dövründə qlobal cüdo icması tərəfindən səbirsizliklə gözlənilir. Dünyanın çox sayda ölkəsindən ən güclü idmançılar paytaxt Bakıda mübarizə aparacaqlar.
Onu da vurğulayaq ki, Azərbaycan daha əvvəl 2018-ci ildə cüdo üzrə Dünya Çempionatına ev sahibliyi edərək, yüksək səviyyəli beynəlxalq idman tədbiri təşkil edib.
Beynəlxalq Cüdo Federasiyası tərəfindən dərc olunan məqalədə Bakının bu tədbirə ev sahibliyi etməsinin əhəmiyyəti vurğulanır və Azərbaycan Respublikasının Prezidenti cənab İlham Əliyevin davamlı dəstəyi, eləcə də ölkənin idman təşkilatlarının birgə səyləri nəticəsində Azərbaycanın cüdo sahəsində güclü oyunçuya çevrildiyi bildirilir. Məqalədə, həmçinin, Hidayət Heydərov və Zelim Kotsoyevin Paris 2024 Olimpiya Oyunlarında qazandıqları qızıl medallar bu nailiyyətlərin zirvəsi kimi vurğulanır.
Azərbaycan Cüdo Federasiyası dünya səviyyəli infrastruktur, dərin idman ənənələri və coşğulu azarkeş kütləsi ilə idmançıları, rəsmi şəxsləri və cüdo həvəskarlarını Dünya Çempionatında qarşılamağı səbirsizliklə gözləyir.
Medinanın cəzası bilindi
Ançelotti ÇL hakimlərini daha keyfiyyətli sayır
Amorimə güvən azalır
"Barselona" onunla müqaviləni uzadır
Neymar Braziliya futbolunun inkişafından gileyləndi
"Məni Avropaya gətirən futbolu göstərə bilərəm"
Valverde sükutu pozdu
Mbappenin sahibi olduğu komandanın biabırçı nəticələri
Bədavi legioner limitinin ləğvi ilə bağlı nə dedi?
"Milan"da yeni müqavilə
A seriyası klubunun yeni baş məşqçisi açıqlandı
Azərbaycan millisindən startda ağır məğlubiyyət
Azərbaycan təmsilçisi "Qalatasaray"ın pley-off oyununda
"Real"ın futbolçusu klub sahibi oldu
Jiru ABŞ-da qarət olundu
Arda Güler bezdi
1-ci liqada buhəftəki oyunların hakimləri bilindi
İtaliya klubunda baş məşqçi ayrılığı
MOK-da yeni vitse-prezident - Fərid Qayıbovu kim əvəzlədi?