Ötən həftə "Qarabağ" bu yayın 5-cı transferini gerçəkləşdirdi. Bu, Qanada doğulan, 23 yaşı bu ilin avqustun 1-də tamamlanan Emmanuel Addai oldu.
Addai Ağdam klubunun hazırkı transfer dövründə hücum xətti üçün aldığı ikinci oyunçudur. Məlumdur ki, daha əvvəl "Qarabağ" hücumçusu Musa Qurbanlını İsveçin "Yurqorden" klubundan qaytarıb. Digər üç oyunçu - Fabian Buntiç, Şahruddin Məhəmmədəliyev və Mateuş Koxalski isə qapıçıdır.
Mateuş Koxalski (24 yaş) komandanın yeni "bir nömrəsi" kimi düşünülür. O, ötən şənbə günü "Turan Tovuz"la Premyer Liqanın 4-cü turunun matçında "Qarabağ"da debüt etdi. Ağdam klubu həmin oyunda penaltidən buraxdığı qolla uduzsa da (0:1), Koxalski bir neçə seyvi edib və ümumən yaxşı çıxış edib.
Mateuş Koxalski
Böyük ehtimalla polşalı futbolçu "Dinamo" Zaqreblə avqustun 28-də keçiriləcək Çempionlar Liqasının pley-off mərhələsinin cavab görüşündə də əsas heyətdə olacaq. İlk matçda o, sonadək ehtiyatda qalmışdı. Bu da səbəbsiz deyil. Çünki Koxalski komandaya yeni qoşulmuşdu.
Digər yeni transfer Addaiyə gəlincə, o, xorvatlarla matçlar üçün UEFA-ya sifariş ərizəsi göndəriləndən sonra transfer edildiyindən meydana çıxmayacaq. Biz bu qanalı gənci avrokuboklarda ya Çempionlar Liqasının, ya da ən pis halda Avropa Liqasının Liqa mərhələsinin oyularında görə biləcəyik.
Bəs, ümumiyyətlə, o, bu gün əsas heyət oyunçusu kimi düşünülürmü? Baş məşqçi Qurban Qurbanov Addaini hansı mövqedə görür?
Addaini "doğma mövqeyi" hücumun sağ cinahıdır (sağ vinger). Bu mövqedə hazırda Leandro Andrade oynayır. Qanalı futbolçunun sol cinahda oynamaq bacarığı da var. Həmin mövqedə isə Abdullah Zubir çıxış edir. Amma Addai mərkəz hücumçusu kimi də sınana bilər. Bu mövqedə isə Juninyonun uğurlu çıxışını və qolları sıralamaqda davam etdiyini unutmamalıyıq.
Beləliklə, belə demək olar ki, Emmanueli "Qarabağ"ın "əjdahaları" ilə çətin rəqabət gözləyir. Ona görə də onun yaxın bir neçə ayda avrokuboklar üçün əsas heyət üzvü olacağını gözləmək çətindir. Digər tərəfdən, Addainin Avropa kubokları təcrübəsi ümumiyyətlə, yoxdur və bu sevinci professional karyerasında başlanğıcda "Qarabağ"da yaşaya bilər.
Bununla belə, bizim onu Premyer Liqa görüşlərində tez-tez ilk 11-likdə görməyimiz mümkündür.
Amma Emmanuel Addainin gələcəkdə "Qarabağ"ın növbəti uğurlu transferlərindən birinə çevriləcəyini istisna etmək olmaz. Addai ötən mövsüm İspaniya Sequndasında (La Liqa-2) keçirib. O, mövsümün ortalarından komandası "Alkorkon"un əsas heyətində daha çox oynamağa başlayıb və daha çox oyun şansı əldə edib. Ümumilikdə Addai La Liqa-2-də 35 oyunda meydana çıxıb, 3 qol vurub və 4 qolun ötürməsini edib. Mövsümün yekununda "Alkorkon" 22 komanda arasında 20-ci yeri tutaraq Liqa-2-ni tərk edib.
Bu quru statistika belə göstərir ki, artıq İspaniya futbolunun ab-havası Addaiyə yaxşı tanışdır. Onun əsas üstünlüklərindən biri də uzaqdan uğurlu zərbələr vurmasıdır ki, buna da "Qarabağ"da ehtiyac var.
Əlbəttə, qanalının "Qarabağ" üçün nə dərəcədə faydalı olacağın zaman göstərəcək. Amma indidən bunu qətiyyətlə söyləmək olar ki, Ağdam klubunun skaut sistemi uğurla işləyir və onların gətirdiyi futbolçuların mütləq əksəriyyəti komandaya faydalı olub.
Ümid edək ki, Addai də həmin müsbət ənənəni davam etdirən oyunçular sırasına düşəcək və "Qarabağ"da ad qoya biləcək.
ELNUR,
Qol.az
Rasim Ramaldanov: "Dayanmaq olmaz, marafon uzundur"
Mərdəkanda 1 qol - Video
Rəşad Sadıqov onlarla fəxr etdiyini yazdı
"Araz-Naxçıvan" "Kəpəz"ə qalib gəldi
AFFA İcraiyyə Komitəsinin iclası keçirildi - Yenilənib
Ronaldo məşqçi olacaq?
"Qəbələ" - "Zaqatala" - Video
PSJ Mbappeyə borcunu ödəməsə...
"Araz-Naxçıvan" - "Kəpəz": Heyətlər
Simon Banza "Trabzonspor"a keçdi
Eddi İsrafilov yeni klubunda debüt etdi
"Real" ukraynalı qapıçı ilə yeni müqavilə imzaladı
"Sabah"ın futbolçusu "Kəpəz"də çıxış edəcək
31 yaşlı məşqçi Premyer Liqada ən yaxşı seçildi
"Çelsi" ilə 2033-cü ilə qədər müqavilə bağladı
3 oyuna 7 qol vurdu, ayın ən yaxşısı seçildi
Deyan Lovren bu kluba keçdi
"Qalatasaray"ın ulduz futbolçusu derbini buraxacaq
Bakıya 200-ə yaxın əcnəbi jurnalist gəlib - Şəkillər
Azərbaycanın tanınmış futbolçusu karyerasını başa vurdu
Artyom Dzyubanın yeni klubu bilindi
Bu gün Bakıda 8-ci Formula 1 yarışı start götürür
İzləyicilərinin sayı 1 milyarda çatdı!
"Milan"ın futbolçusu üçün il başa çatdı
"Bavariya" Musiala ilə danışıqlara başladı
Perotti karyerasını başa vurdu
“Real”ın 3 futbolçusu zədəsini sağaltdı
"İmişli" - "Bakı Sportinq" oyununda 3 qol - Video
"Ronaldo "Mançester Yunayted"dən uzaqdır" - Ten Haq
PSJ Mbappeyə borcunu ödəməlidir
1-ci liqada daha iki oyun keçirildi
"Cəbrayıl" "Difai"yə qalib gəldi - Video
Qavi komanda ilə ümumi məşqlərə qayıtdı