Sxadadze: "Qəbələ" gələn il Premyer Liqaya qayıtmalıdır”

Sxadadze: "Qəbələ" gələn il Premyer Liqaya qayıtmalıdır”
PREMYER LİQA 25 May 2024 / 23:19 3862
-  A +

“Sumqayıt”ı, Samir Abasovu və bütün Sumqayıt şəhərini təbrik edirəm. Gözəl atmosfer var idi. Bərabər oyun keçdi. Uduzmaya da bilərdik".

QOL.az xəbər verir ki, bu sözləri "Qəbələ"nin baş məşqçisi Kaxaber Sxadadze Misli Premyer Liqasının 36-cı turunda "Sumqayıt"a 0:1 hesabı ilə uduzduqları görüşdən sonra mətbuat konfransında deyib. "Sumqayıt" bu qələbə sayəsində avrokuboklara vəsiqə qazanıb.

Sxadadze isə Samir Abasovun komandasının buna layiq olduğunu söyləyib: "Belə stadion, belə atmosferdə avrokuboklara layiq idilər. Onlar daha çox motivasiya olmuşdular. Biz pis oynamadıq. Bəzi oyunçularda köklənmə az idi. Təbii ki, rəqiblə bizim motivasiyamız eyni deyildi. Futbolçulara təşəkkür edirəm. Çox yaxşı oyunlar keçirdilər. Azarkeşlərin çox olması bugünkü matça da çox təsir etdi. Bu gün “Sumqayıt” onlara görə say üstünlüyü qazanmışdı".

Qaydalara əsasən, "Qəbələ" Premyer Liqada sonuncu yeri tutduğuna görə növbəti mövsüm 1-ci liqada mübarizə aparmalıdır. Kaxaber Sxadadze bu mövzuya da toxunub: "Biz artıq 1-ci liqadayıq. Belə böyük klubun aşağı düşməsi təəssüf doğurur. Amma böyük klublar da aşağı liqaya düşüb. Bu, düzələn məsələdir. Belə prezidenti, belə rəhbərliyi olan kluba maksimum bir il lazımdır ki, Premyer Liqaya qayıtsın. “Qəbələ” təkcə çempionat deyil, Avropada da yaxşı oynadığını sübut edib. Bugünkü matçdakı atmosferin hər görüşdə olduğunu istəyirəm. Belə ab-hava futbolçulara da müsbət təsir edir. Bu komanda gələn il Premyer Liqaya qayıtmalıdır”.

Daha çox


Son xəbərlər