"Napoli" hücumçu ilə razılaşdı

"Napoli" hücumçu ilə razılaşdı
XƏBƏR 21 Aprel 2024 / 13:27 1851
-  A +

"Napoli" yay transfer pəncərəsində heyətini gücləndirmək üçün işlərə başlayıb.

QOL.az xəbər verir ki, komanda artıq bir futbolçu ilə razılaşıb. Bu barədə "Football İtalia" məlumat yayıb. Klub "Lill"in hücumçusu Conatan Davidi transfer edəcək. Tərəflər arasında razılıq əldə olunub. Ötən həftə “Napoli”nin idman direktoru oyunuçunun nümayəndələri ilə şəxsən görüşüb.

Bildirilir ki, David "Napoli"də mövsüm başına vergilər çıxıldıqdan sonra təxminən 3 milyon avro maaş alacaq. Klub futbolçu ilə 5 illik müqavilə imzalayacaq. 

Qeyd edək ki, David bu mövsüm "Lill"in heyətində bütün turnirlərdə 41 oyun keçirib, 23 qol vurub və 7 qolun ötürməsini verib. Onun Fransa klubu ilə müqaviləsi 2025-ci ilin yayına qədərdir.


Son xəbərlər