Klubun 18 xalı silindi - 1-ci liqaya düşdü

Klubun 18 xalı silindi - 1-ci liqaya düşdü
XƏBƏR 21 Aprel 2024 / 12:58 6488
-  A +

Niderland Futbol Federasiyasının Lisenziyalaşdırma Komitəsi "Vitesse" klubunu cəzalandırıb.

QOL.az xəbər verir ki, klub lisenziyalaşdırma qaydalarına əməl etmədiyinə görə komitə komandanın 18 xalını silib. Bildirilir ki, "Vitesse" uzun müddətdir quruma səhv məlumatlar ötürüb. 

Niderlandın əsas çempionatında mübarizə aparan "Vitesse"nin bunadək 17 xalı var idi. 18 xallıq cəzadan sonra "Vitesse"nin aktivindəki bütün xallar silinib, hətta turnir cədvəlində komandanın -1 xalının olduğu göstərilib.

Cəzadan sonra "Vitesse"nin növbəti mövsüm Niderlandın 1-ci liqasında mübarizə aparacağı məlum olub.

Klubun müvəqqəti direktoru Edvin Reyntes açıqlamasında cəzaya etiraz etməyəcəklərini, yalnız 15 iyunadək "Vitesse"nin profesional lisenziyasını saxlamaq üçün mübarizə aparacaqlarını bildirib.


Son xəbərlər