"Milli komandanı yenidən formalaşdırırıq" - Vitali Borisov

"Milli komandanı yenidən formalaşdırırıq" - Vitali Borisov
XƏBƏR 15 Aprel 2024 / 10:25 839
-  A +

Dünən beynəlxalq yoldaşlıq oyununda Gürcüstan yığması ilə qarşılaşan Azərbaycan millisinin baş məşqçisi Vitali Borisov matçla bağlı fikirlərini bildirib.

QOL.az xəbər verir ki, o, azfutzal.az-a açıqlamasında 2:3 hesablı məğlubiyyəti belə şərh edib:

"Bilirsiniz ki, milli komandanı yenidən formalaşdırırıq. Budəfki heyətimiz demək olar, sırf Azərbaycan çempionatında çıxış edən futzalçılardan ibarətdir. Bu görüş 2024-cü ildə ilk beynəlxalq oyunumuz idi. Uşaqlardan razı qaldım. Sona qədər mübarizə apardılar. Rəqibimiz olan Gürcüstan millisi də zəif komanda deyil. Bu gün bizdən üstün oynadılar. Narazı qaldığım məqam iki qolu standart vəziyyətdən buraxmağımızla bağlıdır. Bu da bir yerdə çox işləməməyimizin nəticəsidir. Bu cür oyunları çox keçirməliyik ki, uşaqlar inkişaf etsinlər".


Son xəbərlər