10:00
2024/25 mövsümü üçün Azərbaycan Premyer Liqasında oynayacaq komanda sayı artırıla bilər.
QOL.az-ın əldə etdiyi xəbərə görə, bununla bağlı məsələ bir müddətdir müzakirə olunur. Yəni söhbət AFFA prezidentliyinə keçirilən seçkidən öncəyə gedib çıxır.
Məlumdur ki, hazırda iştirakçı komandaların sayı 10-dur. Yeni mövsümdən isə bu sayın 12-ə çatdırılacağı ilə bağlı məsələ gündəmdədir. Belə bir qərarın verilməsi həm də AFFA-nın yeni rəhbərliyinin Azərbaycanın futbol ictimaiyyəti üçün yaxşı bir hədiyyəsi kimi də qəbul olunacaq. Bu jest isə azarkeşlər arasında yalnız müsbət qarşılana bilər. Unutmayaq ki, AFFA-nın keçmiş rəhbərliyinin dövründə Azərbaycanda klub sayı sürətlə azalmağa doğru gedib. Əlbəttə, məntiqlidir ki, yeni rəhbərlik isə problemi aradan qaldırmağa və sayı artırmağa cəhd edəcək.
Qeyd edək ki, AFFA-nın yeni prezidenti Rövşən Nəcəf bugünlərdə jurnalistlərə açıqlamasında komanda sayı və çempionatın formatı ilə bağlı məsələnin müzakirə olunacağını etiraf edib. O bildirib:
"Müzakirə olunacaq məsələlərdən biri də çempionatın formatı və klub sayına yenidən baxılması olacaq. Bu gün hansısa qərar yoxdur. Buna zaman olmayıb".
Məlumata görə, bu gün üçün yeni mövsümlə bağlı qəti fikirin söylənilməməsinin başlıca səbəbi maliyyə məsələləri ilə əlaqədardır. Yəni SOCAR tərəfindən yeni mövsüm üçün futbola ayrılacaq vəsaitin məbləği təsdiqlənməyib. Lakin məbləğin artacağı ehtimalı yüksəkdir.
Qeyd edək ki, hazırda dövlət tərəfindən Azərbaycan Premyer Liqasında iştirak edən 10 klubun hər birinə 3 milyon manat ayrılır. Bu, bir mövsüm üçün 30 milyon manat deməkdir. Yeni mövsümdə isə Premyer Liqa iştirakçıları üçün 36 milyon manat ayrılacağı nəzərdə tutulur. Bu isə birinci diviziondan əlavə 2 komandanın Premyer Liqaya yüksəlməsi istiqamətində mühüm dəstək olacaq. Belə olacağı halda, bu mövsüm Premyer Liqanı heç bir klub tərk etməyəcək. Yəni gözlənilən mümkün qərar indiki halda ən çox "Qəbələ"nin işinə yarıyacaq.
Məlumdur ki, "Qəbələ" əla bir infrastruktura malikdir. Bizdə olan məlumata görə, AFFA-nın yeni rəhbərliyi də belə bir infrastruktura və yaxşı uşaq futbol akademiyasına malik klubun çempionatı tərk etməsində maraqlı deyil. Odur ki, həm bu, həm də Azərbaycan çempionatına marağın artması və inkişafı üçün yeni mövsümdə liqaya 12 komandanın buraxılması ehtimalı yüksəkdir.
Məsələ ilə bağlı qəti qərar isə AFFA İcraiyyə Komitəsinin növbəti iclasında verilə bilər.
ELNUR
"Turan Tovuz" "Zirə"yə belə qalib gəldi - Video
"Bir xalı qənaətbəxş sayıram" - Saşa İliç
"Turan Tovuz" 3-cü pilləyə yüksəldi, Sumqayıtda heç-heçə
Azərbaycan çempionatında final partiyaları oynanılıb
Sadıqov “Turan Tovuz” azarkeşlərinin şüarı haqda - Video
"Turnir cədvəlinə fikir vermirik" - Kurban Berdıyev
"Komandada çaşqınlıq var idi" - Rəşad Sadıqov
"Sumqayıt" - "Qəbələ": Heyətlər açıqlandı
Nərimanın ABŞ klubuna qoşulmağı ləngiyir
Azərbaycana millilərinin toplanışı başladı
"İnter" üçün ağır xəbər
Neymardan açıqlama: Karyerasını başa vura bilər
"Turan Tovuz" - "Zirə": Heyətlər
Misli Premyer Liqası bundan sonra 2 kanalda - Rəsmi
Azərbaycanda bu federasiyanın adı dəyişdirildi
"Yuventus"un yeni formaları - Şəkillər
Azərbaycan klubunda 27 yaşlı baş məşqçi
AFFA bölgə klubunun baş məşqçisini cəzalandırdı
FİFA Qəzzada futbol layihələrinə yatırım edəcək
"İnter" UEFA-ya şikayət etdi
13 il, 80-ci qol
Azərbaycan boksçuları üçün ilin ilk beynəlxalq sınağı
PSJ və Mbappe arasındakı qalmaqalda yeni irəliləyiş
Kante: "Qələbə qazanacağımıza inanmalıyıq"
Tedesko: "Məğlubiyyətə layiqik"
Azərbaycan çempionatında medal görüşləri başlayır
Qrizmann Anrini geridə qoydu
Millimiz Moldova ilə qarşılaşacaq
Azərbaycan millisi Özbəkistanla üz-üzə
"Samsunspor" "Şkendiya"ya belə qalib gəldi - Video
"İmişli"də yeni yarımmüdafiəçi
