Azərbaycan qadın voleybolçular arasında Avropa çempionatına (CEV EuroVolley Women) ev sahibliyi edəcək.
QOL.az xəbər verir ki, bu haqda Azərbaycan Voleybol Federasiyası məlumat yayıb.
Ölkəmiz Gürcüstanla birgə keçirdiyi AVRO-2017-dən doqquz il sonra yenidən bu hüquqa sahib çıxıb.
Azərbaycan dörd qrupdan birinə ev sahibliyi edəcək. Qarşılaşmalar 2017-ci ildə olduğu kimi yenə Milli Gimnastika Arenasında təşkil olunacaq. Serbiyanın çempion olduğu həmin yarışda Azərbaycan Avropanın ən güclü dörd komandasından biri olub.
2026-cı il yayın sonuna planlaşdırılan turnirdə ümumilikdə Avropanın 24 ən yaxşı komandası iştirak edəcək. Bu komandalardan altısı məhz Bakıda mübarizə aparacaq. Azərbaycanla yanaşı, Çexiya və İsveçin AVRO-2026-ya birgə ev sahibliyi edəcəyi artıq təsdiqlənib.
CEV prezidenti Aleksandar Boriçiç qitə birinciliyinin yenidən ölkəmizdə keçirilməsi ilə bağlı fikirlərini bölüşüb: “Biz əminik ki, Avropa çempionatı Azərbaycan yığmasının hazırkı üzvləri, eləcə də gənclər üçün böyük stimul olacaq, gələcək nəsil azərbaycanlı oyunçuları ruhlandıracaq. Biz onlarla işləməyi səbirsizliklə gözləyirik. Əminik ki, Azərbaycan Voleybol Federasiyası yarışın yenə yüksək səviyyədə təşkili üçün əlindən gələni edəcək”.
"Şahdağ Qusar"dan 3 qol - Video
Çingiz İsmayılov vəfat etdi
Keyn İngiltərəyə qayıdır?
4 qol vuruldu, "Şəfa" qalib gəldi - Video
"Yuventus" rəsmən yeni baş məşqçisini açıqladı
Gürcüstan millisi Ermənistanı darmadağın etdi
2-ci liqada 18-ci tura start verildi
Burnu qırılan Dzekonun son durumu - Şəkil
U-17 millimiz niyə qrupda qaldı? - Baş məşqçinin şərhi
Azərbaycan millisinin heyətindən kənarlaşdırıldı
"Real" Almaniya millisinin üç futbolçusunu rədd etdi
U-17 millimiz Belarusa uduzdu
Azərbaycan U-21 millisinin qələbə qolları - Video
Xusanov “Real”ın formasını imzalamadı - Video
Abbasov ilk oyundakı qələbədən və çatışmazlıqdan danışdı