28.11.24
İspaniya bu mövsüm Çempionlar Liqasının 5 qrupunda təmsil olunur.
QOL.az xəbər verir ki, "Real" və "Real Sosyedad" artıq müvafiq olaraq C və D qruplarında mübarizəni lider kimi başa vurublar. Madrid təmsilçisi C qrupunda keçirdiyi 6 matçdan 6-da da qalib gələrək 18 xal toplayıb. Bu da 2-ci yeri tutan “Napoli”in xalından 8 xal çoxdur. "Real Sosyedad" D qrupunda 3 qələbə və 3 heç-heçə ilə 12 xal qazanıb. 2-ci yerdə olan "İnter" də 12 xal əldə edib.
"Barselona" 5 turdan sonra H qrupunda liderdir. Kataloniya təmsilçisinin 12 xalı var. İkinci pillədə qərarlaşan "Porto" 9 xala malikdir.
“Atletiko” E qrupunda lider mövqedədir. Dieqo Simeonenin komandasının 11 xalı var, "Latsio" 10 xalla 2-cidir.
Çempionlar Liqasında pley-offa vəsiqə qazana bilməyən yeganə İspaniya təmsilçisi isə "Sevilya"dır. Komanda B qrupunda 2 xalla sonuncu - 4-cü yeri tutub.
Bu gün qrup mərhələsinin 6-cı turunda "Atletiko" "Latsio" ilə, "Barselona" isə "Antverpen"lə qarşılaşacaq. Bu da o deməkdir ki, İspaniyanın daha 2 komandası qrup mərhələsini lider kimi başa vura bilər.
Qeyd edək ki, "Sevilya" Çempionlar Liqasına Avropa Liqasının son qalibi kimi qatıldığından İspaniya bu mövsüm yarışda 5 komanda ilə təmsil olunub.
_22.01.19.jpg)
"Hesab oyuna görə deyildi" - Qurban Qurbanov
“Qarabağ” “Lion”a böyük hesabla uduzdu
"Real" daha bir neçə futbolçusunu itirə bilər
Azərbaycan millisi 4-cü səbətdə - FİFA açıqladı
"Hamımız düşünürük ki, Pep dəlidir"
Millimiz Rusiya yığması ilə yoldaşlıq görüşü keçirdi
"Qarabağ"ın "Lion"la oyun üçün - Heyəti
"Barselona" üçün şad xəbər
