PSJ-ni tək Messi yox, o da tərk edir

PSJ-ni tək Messi yox, o da tərk edir
DÜNYA FUTBOLU 3 İyun 2023 / 07:25 4125
-  A +

PSJ-nin baş məşqçisi Kristof Qaltye bu mövsümün sonunda vəzifəsini tərk edəcək.

Qol.az-ın “L'Équipe” nəşrinə istinadən yaydığl məlumata görə, parislilərin bu gün “Klermon”la keçirəcəyi Liqa-1-in sonuncu - 36-cı turunun matçı fransalı mütəxəssis üçün komandada sonuncu olacaq. 

Klub tezliklə onunla əməkdaşlığa son qoyduğunu elan edəcək.

Qeyd olunur ki, yaxın günlərdə PSJ yeni məşqçi tapmaq prosesini sürətləndirəcək. Qaltyenin parislilərlə hazırkı müqaviləsi 2024-cü ilin yayına kimi nəzərdə tutulub. O, 2022-ci ilin iyulunda bu vəzifəyə təyin olunmuşdu.

56 yaşlı mütəxəssisin rəhbərliyi altında PSJ Fransa çempionluğunu, Superkubokunu qazanıb, həmçinin Çempionlar Liqasının 1/8 finalına yüksəlib.

Qeyd edək ki, bu gün PSJ-nin futbolçusu Lionel Messi də komandada son oyununu keçirəcək. Daha əvvəl Qaltye bildirib ki, klubla müqaviləsi başa çatan argentinalı “Klermon”la görüşdən sonra hazırkı klubundan ayrılacaq.


Son xəbərlər
15.07.24  20:29

"Arsenal"dan "Latsio"ya

15.07.24  18:49

"Atletiko"dan transfer