28.11.24
“Nəyi bacardığımızı yaxın bir neçə gün ərzində daha yaxşı anlayacağıq. Final bizim üçün xəyal idi, amma həmişə buna inanırdıq. Biz inanılmaz bir yol keçmişik. Derbidə qalib gələrək yarımfinala çıxmaq əladır".
Qol.az xəbər verir ki, bu sözləri "İnter"in baş məşqçisi Simone İnzaqi Çempionlar Liqasının yarımfinalında "Milan"a 1:0 hesabı ilə qalib gəldikləri cavab oyunundan (ilk oyun - 2:0) sonra keçirilən mətbuat konfransında deyib.
"Bu yarımfinalda hər şey xoşuma gəldi: qaçış, aqressiya, konsentrasiya. Yanvar ayından bu gecəyə kimi dörd derbi keçirdik və dördündə də qalib gəldik. “Milan” İtaliya çempionudur, onların çox keyfiyyətli komandası var, amma futbolçular əla oynadılar" - deyə o bildirib.
Mütəxəssisin sözlərinə görə, rəhbərlik ondan ÇL-də 1/8 finala yüksəlmək vəzifəsi qoymuşdu: "Amma hazırda finaldayıq. Kimsə bizi bu mərhələyə gətirməyib.Həmiə güclü rəqiblərlə oynadıq və layiqliq qələbələrlə bu mərhələyə çatdıq".
İnzaqi ÇL-in finalındakı mümkün rəqibləri haqda da danışıb: "Real" və "Mançester Siti" Avropanın ən yaxşı komandalarıdır. İlk oyun bərabər səviyyədə idi. Cavab görüşünü həyəcanla izləyəcəyik. Rəqib kim olursa olsun, finalda tam hazır "İnter" görəcəklər".
_22.01.19.jpg)
"Hesab oyuna görə deyildi" - Qurban Qurbanov
“Qarabağ” “Lion”a böyük hesabla uduzdu
"Real" daha bir neçə futbolçusunu itirə bilər
Azərbaycan millisi 4-cü səbətdə - FİFA açıqladı
"Hamımız düşünürük ki, Pep dəlidir"
