Tahir Gözəl: "Çox sevinirəm ki, "Qarabağ” və “Qalatasaray” əl-ələ verib"

Tahir Gözəl: "Çox sevinirəm ki, "Qarabağ” və “Qalatasaray” əl-ələ verib"
ÖLKƏ FUTBOLU 25 Mart 2023 / 17:39 1385
-  A +

"Qarabağ"ın prezidenti Tahir Gözəl "Qalatasaray"la keçirəcəkləri xeyriyyə oyunu haqqında danışıb.

Qol.az xəbər verir ki, o, görüşdən əvvəl təşkil olunmuş brifinqdə iki qardaş ölkənin komandalarının bu cür matçda bir araya gələcəyinə görə sevincli olduğunu deyib:

"Bilirsiz ki, bu yaxınlarda Türkiyədə böyük faciə baş verdi. Azərbaycan dövləti, xalqı öz həmrəyliyini, möhtəşəm qardaşlıq iradəsini göstərdi. Türkiyəyə böyük yardımlar edildi. Çox sevinirəm ki, "Qarabağ” və “Qalatasaray” əl-ələ verib, Türkiyənin bu ağır durumunda kömək və dəstək üçün bir yerə gəldilər. Belə möhtəşəm oyunu təşkil etmək imkanımız oldu. 

Oyun keçirmək üçün təklif hər iki tərəfdən oldu. Biz təklif etdik, “Qalatasaray” tərəfi də müsbət cavablandırdı. Bundan əvvəl “Beşiktaş”la da söhbətimiz olmuşdu. Sadəcə “Qalatasaray”dan konkret addım gəldi. Bu cür oyunun olmasını çox istəyirdik. Qismət bu vaxta imiş".

T. Gözəl qeyd edib ki, stadionda gözəl ab-hava olacaq: "Sabah gözəl gün olacaq. Stadionda möhtəşəm ab-havanın olacağını düşünürəm. Sabah kimin qalib gəlməsinin önəmi yoxdur.  Əsas odur ki, 2 qardaş ölkənin komandaları üz-üzə gəlir. Biri Azərbaycan çempionu, digəri Superliqanın hazırkı lideri. Azarkeşlərin əlində 20 min Azərbaycan, 20 min Türkiyə bayrağı olacaq. Bəzi futbolçularımız millidə çıxış etdikləri üçün komandada yoxdurlar. Bəzi oyunçuları geri çağırdıq".

Qeyd edək ki, sabah Bakı Olimpiya Stadionunda keçiriləcək "Qarabağ" - "Qalatasaray" matçı saat 20:00-da başlayacaq. Görüşün bilet satışından əldə olunan gəlir Türkiyədə baş vermiş zəlzələdən zərər çəkənlər üçün göndəriləcək.

Yeniliklərdən daha tez xəbər tutmaq üçün bizi Feysbukda da izləyin

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı