Qaltye: "Hesabı açsaydıq, oyun başqa cür olardı"

Qaltye: "Hesabı açsaydıq, oyun başqa cür olardı"
ÇEMPİONLAR LİQASI 9 Mart 2023 / 10:55 1679
-  A +

“Qol vura bilmirdik.  Birinci hissəni yaxşı keçirdik. Yaxşı rəqabət apara bilirdik. Qol vəziyyətlərimiz var idi. Daha soyuqqanlı olmağı öyrənməliyik".

Qol.az xəbər verir ki, bu sözləri PSJ-nin baş məşqçisi Kristof Qaltye Çempionlar Liqasının 1/8 finalında "Bavariya"ya 0:2 hesabı ilə uduzaraq mübarizəni dayandırdıqları cavab oyunundan sonra deyib.

“Bavariya”nın təzyiqi altında idik, bunu bilirdik. Biz bu təzyiqi qırmağa çalışmalıydıq. Amma matç başlayandan bir saat sonra qol buraxırsansa, bu çətinləşir. Bunun bir dərs olub-olmadığını bilmirəm, amma açıq şəkildə məyus olduq. Hesabı açsaydıq, oyun başqa cür olardı" - deyə o bildirib.

Mütəxəssis söyləyib ki, Münhen təmsilçisi fiziki cəhətdən daha yaxşıdır: "Hər iki matçda çox vacib itkilərimiz oldu. Mərkəz müdafiəçilərini dəyişməli olduq. Bu, bizi zəiflətdi. Biz bu qarşıdurmanı təkrarlaya bilmərik, yalnız irəliyə baxa bilərik.

Çempionatda yolumuza davam etmək üçün baş verənləri qəbul etməliyik. Hamı məyusdur, o cümlədən mən. Cavab oyununa böyük ümidlər bəsləyirdik".

Yeniliklərdən daha tez xəbər tutmaq üçün bizi Feysbukda da izləyin


Son xəbərlər