"Tottenhem" bizi təəccübləndirə bilməyəcək"

"Tottenhem" bizi təəccübləndirə bilməyəcək"
ÇEMPİONLAR LİQASI 8 Mart 2023 / 00:50 1184
-  A +

"Milan"ın baş məşqçisi Stefano Pioli Çempionlar Liqasının 1/8 final mərhələsində "Tottenhem"ə qarşı keçirəcəkləri cavab oyunu (ilk matç - 1:0) barədə danışıb.

Qol.az İtaliya mətbuatına istinadən xəbər verir ki, mütəxəssis artıq rəqibi yaxşı tanıdıqlarını deyib:

“Qəribə də olsa, "Tottenhem" səfərdəki ilə müqayisədə ev oyunlarında fərqli göstəricilərə malik komandadır. Onların ev oyunlarını çox yaxşı təhlil etdik. "Tottenhem" ilk matçda olduğundan daha aqressiv, daha enerjili oynaya bilər. Lakin onlar bizi təəccübləndirə bilməyəcəklər. Çünki biz onları tanıyırıq. Matçın gedişatını proqnozlaşdırmaq həmişə çətindir. İlk görüşdə rəqibdən bir az yaxşı oynadığımız üçün layiqli qələbə qazandıq. Bu dəfə də eyni şeyi etməyə çalışmalıyıq. Daha yaxşı oynayan komandanın növbəti mərhələyə yüksəlmək şansı olacaq”.

Qeyd edək ki, bu gün keçiriləcək "Tottenhem" - "Milan" görüşü Bakı vaxtı ilə saat 00:00-da başlayacaq.

Daha çox


Son xəbərlər