22:51
“Sabah”ın futbolçuları Elvin Camalov, Coy-Lens Mikels və Amin Seydiyev Əmək və Əhalinin Sosial Müdafiəsi Nazirliyinin tabeliyindəki DOST İnklüziv İnkişaf və Yaradıcılıq Mərkəzində qonaq olublar.
Qol.az klubun rəsmi saytına istinadən xəbər verir ki, futbolçular mərkəzlə tanış olaraq burada təlim alan uşaqlarla görüşüb, onlarla futbol barədə danışıb, müxtəlif əyləncəli oyunlar keçiriblər.
“Sabah” hər zaman fiziki imkanları və sosial vəziyyətlərindən asılı olmayaraq hər kəsin kütləvi futbol tədbirlərini izləməsi, ona töhfə verməsi, futbolun hamı üçün əlçatan və əyləncəli olmasına şərait yaradılması istiqamətində çalışıb. DOST İnklüziv İnkişaf və Yaradıcılıq Mərkəzində keçirilən görüşün də əsas məqsədi burada təlim alan uşaqlarda futbola maraq yaratmaq, istər yaşıl meydanda, istərsə də tribunada böyük futbolun zövqünü digər insanlar kimi rahat şəkildə yaşamalarına şərait yaratmaqdır.
Birinci vitse-prezident Mehriban Əliyevanın təşəbbüsü ilə yaradılan DOST İnklüziv İnkişaf və Yaradıcılıq Mərkəzi 1 ildən çoxdur fəaliyyət göstərir. Mərkəzdə həssas qrupa daxil olan şəhid ailələlərinin üzvləri, müharibə ilə əlaqədar əlilliyi müəyyən edilmiş şəxslər və onların övladları, valideynlərini itirmiş və valideyn himayəsindən məhrum olmuş uşaqlar, aztəminatlı ailələr və əlilliyi olan şəxslərə xidmət göstərilir. Mərkəz Cənubi Qafqazda bu tipli ilk unikal məkandır. Hazırda burada 300-ə yaxın benefisiar 14 fəaliyyət istiqaməti üzrə təlimlərə cəlb edilib.
Yeniliklərdən daha tez xəbər tutmaq üçün bizi Feysbukda da izləyin
Yuxarı
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
