Azərbaycan Premyer Liqasının 1-ci turunun “Turan Tovuz”la oyunu “Qəbələ”nin iki futbolçusu üçün debütlə əlamətdar olub.
Qol.az klubun saytına istinadən xəbər verir ki, Rauf Rüstəmli və Ramon Maçado ilk dəfə “qırmızı-qaralar”ın heyətində rəsmi matça çıxıb. Bununla da klub tarixində forma geyinən futbolçuların ümumi sayı 271-ə çatıb. Onlardan 252-si Premyer Liqada şans qazanıb.
Rauf “Qəbələ”nin heyətində Premyer Liqada 19 yaşadək debüt edən 18-ci oyunçudur. 18 yaş 9 ay 7 günlüyündə meydana çıxan yarımmüdafiəçiyədək 17 oyunçu belə gənc yaşında çempionat həyəcanı yaşayıb. Rekord Elnur Mustafazadəyə məxsusdur – 16 yaş 7 ay 25 gün. Nuran Qurbanov (17 yaş 6 ay 19 gün) və Roman Hüseynov (17 yaş 7 ay 19 gün) da ən gənc üç oyunçu sırasında yer alıb. Rauf bu sıralamada 16-cıdır.
Ramon isə klub tarixində 17-ci braziliyalı legionerdir. “Sambaçılar” arasında rekord Dodoya məxsusdur – 161 oyun. Rafael Santos 104, Rikardinyo 69 dəfə “Qəbələ” forması geyinib.
Xatırladaq ki, “Qəbələ” mövsümə 2:0 hesablı qələbə ilə başlayıb.
Messi Modriçi "İnter Mayami"də görmək istəyir
"Əl-İttihad" meydana çıxmaqdan imtina etdi, oyun ləğv olundu
"Şəmkir" - "Ağdaş" oyunundakı 5 qol - Video
Tuhel: "Çempionlar Liqası dünyanın ən çətin klub turniridir"
Azərbaycanın U-17 millisi ilk oyunda uduzdu
"Fənərbaxça" portuqaliyalı futbolçu ilə müqaviləni uzatdı
"Bakı Sportinq" səfərdən 3 xalla qayıdır - Video
Əvəzedicilər Liqasında 8-ci tur başa çatdı
"Cəbrayıl"dan 1 qol, 3 xal - Video
Rusiya - Kamerun oyunu FİFA reytinqində nəzərə alınacaq?
"Barselona"da yeni müqavilə
"Cəbrayıl", "Bakı Sportinq" və "Şəmkir"dən qələbə
İngiltərə futbolunda belə şey olmamışdı