"Qarabağ" bizi həqiqətən təəccübləndirdi" - Boli

"Qarabağ" bizi həqiqətən təəccübləndirdi" - Boli
XƏBƏR 4 Avqust 2022 / 09:30 9890
-  A +

"Ferentsvaroş"un (Macarıstan) futbolçusu Frank Boli Çempionlar Liqasının 3-cü təsnifat mərhələsində "Qarabağ"la Bakıda heç-heçə etdikləri ilk matç (1:1) haqqında danışıb. 

Qol.az xəbər verir ki, komadasının yeganə qolunun müəllifi olan futbolçu klubun rəsmi saytına açıqlamasında deyib: 

"Sərt rəqibə qarşı çətin matç oldu. Bu, asan deyildi. "Qarabağ" bizi həqiqətən təəccübləndirdi. Biz cərimə meydançasında əlimizdən gələni edib qol vurmalı idik. Məhz belə etdik. Söhbət nəticədən getmir, biz gələn həftəki cavab oyununa hazırlaşmalıyıq. Qol epizodu vaxtı çox şeyi görmədim. Topun qapıçının arxasından geri döndüyünü gördüm, baş vurmalı oldum. Xoşbəxtlikdən yaxşı yerdə idim. Bu, bizim üçün yaxşı nəticədir. Növbəti dəfə öz stadionumuzda, azarkeşlərimizin önündə oynayacağıq. Bu, bizə kömək edə bilər. Biz həmin oyuna köklənməliyik, kompakt oynamalıyıq. Rəqabətdə, təzyiqdə daha güclü olmalıyıq. O zaman uğur qazana bilərik".

Qeyd edək ki, bu komandalar arasında cavab görüşü avqustun 9-u Budapeştdə olacaq.

Daha çox


Son xəbərlər