13:09
“Çətin səfər oyununa gəlmişdik".
Bunu “Neftçi”nin baş məşqçisi Samir Abasov Azərbaycan Premyer Liqasının XIV turunda “Qəbələ” ilə keçirilən oyun barədə danışarkən deyib.
Qəbələ şəhər stadionunda keçirilən matçda komandalar qollu bərabərliklə kifayətlənib – 1:1.
Abasov matçdan sonra mətbuat konfransında komandasının çıxışını dəyərləndirib: “İki yaxşı komanda üz-üzə gəldi. Biri yüksəlişdə, biri enişdə idi. Qələbə qazanmağı çox istəyirdik ki, qış tətilinə yaxşı əhval-ruhiyyədə gedək. Oyun çox xoşuma gəldi. Futbolçularımı təbrik elədim. Udmadığımız üçün üzülüblər. Bugünkü oyun bizim üçün bir stimul oldu".
Çalışdırıcı kapitan Emin Mahmudovun penaltini qaçırmasını belə dəyərləndirib: "Çox maraqlı hadisədir. Emin son vaxtlar məşqdən sonra penalti vuranda qapıçılarımız bunu bilirdilər, dəf edirdilər. Onunla zarafatlaşırdıq ki, zərbəni dəyiş, o da dəyişmişdi. Amma necə oldusa, bu dəfə də eyni qaydada vurdu. Doğrudan da, bu məsələ üstündə durmaq lazımdır".
Abasov mövsümün ilk yarısındakı performansdan narazılıq bildirib: "Qış fasiləsinə kimi etdiklərimizdən razı deyilik. Həm nəticədən, həm də qeyri-stabil oyundan narazıyam. Qorxuram deməyə ki, bunu normal qəbul edirəm. Yay fasiləsində komandaya gələn və gedənlər oldu. Ötən mövsüm Sabir Burqinlə Namik Ələskərov bir-birinə yaxşı uyğunlaşmışdılar. Tyaqo Bezerra ilə Namik Ələskərovu eyni tərəziyə qoymaq olmaz. Amma komanda yoldaşları ilə uyğunlaşma problemi yaşaması problemə yol açır. Tyaqonun bu gün qaçırdığı 3 epizodun hamısında Namik, bəlkə də, qolla tamamlayardı. Amma onun məşqlərdə etdikləri tam fərqlidir. Təəssüf ki, yaş da öz sözünü deyir".
Baş məşqçi qapıçı Kamran İbrahimovun çıxışından da məmnun qalmadığını etiraf edib: "Bu, bizim tanıdığımız Kamran deyil. Bu günü təcrübəsizliyinə verək. "Keşlə" ilə matçda buraxılan qolu da qeyd etməliyəm. Bizim işimiz şans vermək, onun arxasında durmaqdır. Əgər bu şansdan istifadə edəcəksə, qapıda duracaq. Elə oyunçu var ki, məşqdə kral kimi olur, oyunda təşvişə düşür. Kamrana bu gün elə də təzyiq olmadı. Ancaq təcrübəsizliyi və həyəcanı hiss olunurdu".
Abasov qış fasiləsində bir neçə yerli futbolçu almaq istədiklərini vurğulayıb: "Transfer məsələsində əsasən yerlilərin üzərində durmuşuq. Amma vəziyyətlə əlaqədar mümkünsüz kimi görünür. İstədiyimiz yerli futbolçular var ki, onlarla balansı düzəltmək istəyirik" (apasport.az).
"Milan"da yeni müqavilə
Superkubok matçı azarkeşlərsiz keçiriləcək
"Bu, onun son matçı ola bilər"
ÇL-də "Qarabağ"a iki qol vuran futbolçu klubunu dəyişdi
"Bornmut"un hücumçusu uzunmüddətlik sıradan çıxdı
"İmişli"nin futbolçusu milliyə dəvət aldı
"Bavariya" Avstriya klubuna böyük hesabla qalib gəldi
"Milan" Balkanlara üz tutdu, rədd cavabı aldı
Mareska "Çelsi"dən gedişindən sonra ilk dəfə açıqlama verdi
Ronaldo rəhbərliyə "Real"ın oyunçusunu tövsiyə etdi
Klub maaşını 6 dəfə artırdı, futbolçu razılaşmadı
"Qalatasaray" İtaliya klubuna təklif göndərdi
Mbappe Superkubok matçında oynamayacaq
"Zirə" heyətini millinin futbolçusu ilə gücləndirdi
Azərbaycanlı futbolçu Albaniya klubuna keçdi
"Beşiktaş" qapıçısı ilə müqaviləni ləğv etdi
