Hacıyevlə 25-ci qələbə

Hacıyevlə 25-ci qələbə
XƏBƏR 26 Oktyabr 2021 / 11:55 637
-  A +

“Səbail” Aftandil Hacıyevin rəhbərliyi altında Premyer Liqada 25-ci qələbəsini qazanıb. 

Qol.az PFL-in saytına istinadən xəbər verir ki, bu, 8-ci turun “Qarabağ”la ev matçına təsadüf edib. Bakı klubu “ASCO Arena”da 3:1 hesablı qələbə qazanıb.

Bu, Hacıyevin rəhbərliyi altında baş tutan 84-cü qarşılaşmaya təsadüf edib. 2018-ci ilin yayından “Səbail”ə rəhbərlik edən mütəxəssis 4-cü mövsümündə qələbə sayını 25-ə çatdırıb. Onun baş məşqçisi olduğu komanda 2018/19 mövsümündə 12, növbəti iki çempionatın hərəsində 5 dəfə qalib gəlib. Cari mövsümün 3-cü qələbəsi baş məşqçi üçün 25-ci olub.

Bu qələbə ilə “Səbail” iki uğursuz seriyaya da son qoyub. Bakılılar ardıcıl 4 məğlubiyyətdən sonra meydanı üç xalla tərk edib. "Səbail" 3-cü turun “Sumqayıt”la sentyabrın 11-dəki görüşündən (1:0) sonra xala həsrət idi.

Həmçinin, paytaxt təmsilçisi texniki qələbə nəzərə alınmamaqla, ilk dəfə “Qarabağ”a qalib gəlib. Bu, rəqiblərin 17-ci duelinə təsadüf edib ki, əvvəlki 16 matçdan birində texniki qələbə bakılılara verilib. Hacıyev Azərbaycan çempionatları tarixində 25 və daha çox qələbə qazanan 44-cü baş məşqçidir.

 

Daha çox


Son xəbərlər
27.11.21  18:39

"Arsenal"dan qələbə

27.11.21  16:28

"Milan" Teonu saxlayır

27.11.21  11:28

"Milan"da itki