"Mahir Emreli "Legiya"ya hücumda çox xeyir verir"

"Mahir Emreli "Legiya"ya hücumda çox xeyir verir"
XƏBƏR 26 Oktyabr 2021 / 10:32 4540
-  A +

"Mahir Emrelinin "Legiya"ya keçidində sabiq baş məşqçi Çeslav Mixneviçin də rolu olub. Mahir "Slaviya" və "Budo Qlimt"ə qarşı matçlarda vacib qollar vurdu O, komandaya hücumda çox xeyir verir. Bunu nəzərə almaq lazımdır".

Qol.az Polşa mətbuatına istinadən  xəbər verir ki, millimizin futbolçusu Mahir Emrelinin çıxış etdiyi "Legiya"nın idman direktoru Radoslav Kuxarski yeni baş məşqçi Marek Qolebiyevskinin təqdimat mərasimində deyib.

O, yay transfer pəncərəsində qərarları Mixneviçlə birgə verdiklərini bildirib: "Yayda 7 futbolçu ilə yeni müqavilə bağlamadıq, bunun sayəsində yeni transferlər üçün büdcə yarandı. Abu Hanna və Mahir Emreli yayda bizə ilk qoşulanlar oldu. Bəziləri sənəd problemləri üzündən komandaya gec gəldi. Yəni ciddi itki ilə üzləşmədik, əvəzində daha yaxşılarını aldıq.Bu gün məni ötən mövsüm Polşa çempionluğu uğrunda mübarizədə həlledici rol oynamış futbolçuların formadan xeyli düşmələri narahat edir. Söhbət Tomas Pekhart, Filip Mladenoviç və Lukinyasdan gedir. Bu oyunçular həmin qarşılaşmalarda hücumda fərqlənən futbolçulardır. Bu gün biz elə bir vəziyyətdəyik ki, qollarımızı daha çox komandamızın ən gənc oyunçularından olan Emreli və Muçi vurur".

Qeyd edək ki, "Legiya" dünən baş məşqçisi Çeslav Mixneviçi istefaya göndərib. Onu "Legiya-2"nin baş məşqçisi Marek Qolebiyevski əvəzləyib.

 

Daha çox


Son xəbərlər
27.11.21  18:39

"Arsenal"dan qələbə

27.11.21  16:28

"Milan" Teonu saxlayır

27.11.21  11:28

"Milan"da itki