Vaqner Lav: "Qarabağ"la vacib oyunumuz olacaq"

Vaqner Lav: "Qarabağ"la vacib oyunumuz olacaq"
XƏBƏR 19 Oktyabr 2021 / 12:18 2754
-  A +

 “Qarşıda çox vacib oyunlarımız olacaq. “Qarabağ”a qarşı səfərdə oynadıqdan sonra, “Astana”ya qarşı ev oyunu və ölkə kubokunda cavab matçına çıxacağıq. Bu görüşlərin hamısı çətindir. Bütün futbolçular oynamaq istəyir və hər kəsin fiziki və emosional gücə sahib olmasını gözləyir. Şəxsən mən əvvəlki ayaq biləyindəki zədədən tez bir zamanda sağalmağı səbirsizliklə gözləyirəm. İynə vurmaq məcburiyyətində qaldım, buna görə də iştirak etdiyim son matçlarda fiziki və texniki cəhətdən bütün gücümü verə bilmədim".

Qol.az xəbər verir ki, bu sözləri "Kayrat"ın futbolçusu Vaqner Lav Konfrans Liqasının qrup mərhələsinin 3-cü turunda "Qarabağ"la oyun öncəsi vesti.kz saytına müsahibəsində deyib.

O, Konfrans Liqasında yer aldıqları qrupda keyfiyyətli komandaların olduğunu vurğulayıb: "Artıq "Omoniya" və "Bazel"ə qarşı oynamışıq. İndi "Qarabağ" a qarşı növbəti səfər matçımız var. Növbəti mərhələyə keçmək asan olmayacaq, amma bunun mümkün olmadığını deyə bilmərəm".

Qeyd edək ki, "Qarabağ" Konfrans Liqasının 3-cü turunda oktyabrın 21-də  "Kayrat"ı qəbul edəcək. Tofiq Bəhramov adına Respublika stadionunda keçiriləcək görüş saat 20:45-də başlayacaq.

 

Daha çox


Son xəbərlər
03.12.21  21:58

"Milan"da şok itki

03.12.21  15:49

Ronaldodan rekord

03.12.21  09:24

Ronaldo 800-ü keçdi