Yuxarı
22:30
Norveçin paytaxtı Osloda keçirilən dünya çempionatında 3-cü yeri tutan yunan-Roma güləşi üzrə millimiz Vətənə qayıdıb.
Qol.az Azərbaycan Güləş Federasiyasının saytına istinadən xəbər verir ki Heydər Əliyev Beynəlxalq Aeroportunda 1 qızıl, 1 gümüş və 2 bürünc medal qazanan yığmamızın qarşılanma mərasimi keçirilib. Gənclər və İdman naziri Fərid Qayıbov komandanı qarşılayanlar arasında yer alıb. Nazir güləşçiləri və məşqçiləri təbrik edib, onlarla xatirə şəkli çəkdirib.
Daha sonra Azərbaycan Güləş Federasiyasının vitse-prezidenti Elçin Cəfərov komandanın çıxışını belə şərh edib: “Bu nəticə Azərbaycan güləşində tarixi hadisədir. Dünya çempionatında Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) və Murad Məmmədov (60 kq) isə bürünc medal qazandı. Bu, AGF-nin çox böyük uğurudur. Federasiyanın rəhbəri Namiq Əliyevi, millinin baş məşqçisi Aleksandr Tarakanovu, böyük məşqçi Rövşən Bayramovu, məşqçilər Akif Əliyevlə Həsən Əliyevi təbrik edirəm. Uzun müddət bu yarışa hazırlıq keçmişdik. Bu prosesdə bizə dəstək olan Gənclər və İdman Nazirliyinə, eləcə də Milli Olimpiya Komitəsinə minnətdarlığımızı bildiririk. Təlim-məşq toplanışları davam edəcək. Noyabrda bizi U-23 dünya çempionatı gözləyir. İlin sonunadək bir neçə daxili yarışın keçirilməsi də nəzərdə tutulub. Bu uğuru “Dəmir yumruq” əməliyyatında qələbələr qazanmış şəhid və qazilərimizə həsr edirik”.
Dünya çempionu Rafiq Hüseynov isə bunları deyib: “Yarış həm mənim, həm də komandamız üçün uğurlu keçdi. 2018-ci ildən sonra yenidən DÇ-də klassik güləşdə qızıl medal əldə etdik. Bundan başqa, komanda hesabında 3-cü yeri tutduq. Əlbəttə, sevindirici hallarla yanaşı, üzücü məqamlar da oldu. Komanda yoldaşlarımı təbrik edirəm. Medal qazanmayan güləşçilərimizə də gələcək yarışlarda uğurlar arzulayıram. Məşqçi və həkimlərdən ibarət heyətimizə təşəkkürümü bildirirəm. Bu yarışda olimpiya kateqoriyalı hakimimiz Asif Şirəliyev 2 finalı idarə etdi. Bu da qürurverici məqamdır, Azərbaycanın uğurlarından biridir.
2011-də Avropa çempionu olmuşam. Daha sonra qitə birinciliyində bürünc medal qazanmışam. Avropa Oyunlarında və İslam Həmrəyliyi Oyunlarında mükafatçılar sırasında yer almışam. Sevdiyim işlə məşğul olduğum üçün 30 yaşdan sonra da böyük uğurlar əldə edə bilirəm”.
“Mən sağ və salamatam”
FİFA-dan yeni qərar
Levandovski 150-yə çatdı
“Turan Tovuz”da ilk
Dördüncü uğursuz start
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər
FIFA və UEFA Laportanın açıqlamalarını mənfi qarşıladılar
"Real"ın oyunçusuna "qırmızı" verən hakim cəzalandırılacaq
"Yuventus" onu azad agent kimi transfer etmək istəyir
Azərbaycan klubundan ayrıldı, ölkəsinə yollandı
