İki güləşçimiz üçün bürünc medal şansı - Dünya çempionatı

İki güləşçimiz üçün bürünc medal şansı - Dünya çempionatı
XƏBƏR 9 Oktyabr 2021 / 19:35 2211
-  A +

Norveçin paytaxtı Osloda güləş üzrə dünya çempionatı sona yaxınlaşır.

Qol.az xəbər verir ki, səkkizinci yarış günündə 63, 67 və 87 kq-da çıxış edən yunan-Roma güləşçiləri mübarizəyə qoşulub.

Azərbaycanın yunan-Roma güləşçisi Taleh Məmmədov Norveçin paytaxtı Oslodakı dünya çempionatında yarımfinal görüşünə çıxıb. 63 kq çəki dərəcəsində mübarizə aparan 32 yaşlı idmançımız Meysam Dalxani (İran) ilə üz-üzə gəlib. 

Rəqibinə 0:9 hesabı ilə uduzan Məmmədov sabah bürünc medal uğrunda yarışacaq.

T.Məmmədov 1/8 finalda Mehmet Çeker (Türkiyə) 7:1, 1/4 finalda isə Hanjae Çunq (Koreya) 6:2 hesabı ilə qalib gəlmişdi.

Həsrət Cəfərov debütdə ABŞ təmsilçisi  Peyton Omaniyaya elə ilk hissədə tam üstünlüklə qalib gəlib - 10:0. Gənc pəhləvanımız daha sonra hindistanlı Qaurov Duhonamana aman verməyib - 8:0. Ancaq 1/4 finalda son olimpiya çempionu Məhəmmədrza Gerayiyə məğlub olub - 0:11. Rəqib finala yüksəldiyi üçün Həsrət oktyabrın 10-da təsəlliverici görüşə çıxacaq.

İslam Abbasovun (87) 1/8 finalda uduzduğu gürcüstanlı Laşa Qobadze növbəti raundda məğlub olduğundan Azərbaycan təmsilçisi medal şansını itirib. 
 


Son xəbərlər
08.04.26  17:35

14 illik həsrət bitdi

topaz banner