"Peyvənd vurdurmayacağam" - Bakıya gələcək futbolçu

"Peyvənd vurdurmayacağam" - Bakıya gələcək futbolçu
XƏBƏR 6 Oktyabr 2021 / 12:30 3090
-  A +

"Vest Bromviç" və İrlandiya millisinin hücumçusu Kallum Robinson iki dəfə xəstə olmasına baxmayaraq, koronavirusa qarşı peyvənd vurdurmamağa qərar verib.

Qol.az xəbər verir ki, bu barədə o, "Sky Sports"a açıqlamasında deyib:

“Mənə peyvənd vurulmayıb. Bu, mənim seçimimdir. Açığı, iki dəfə bu xəstəliyə tutulmağım xoşagəlməzdir, amma peyvənd vurdurmamışam. Gələcəkdə fikrimi dəyişə bilərəm, ancaq hazırda qərarım belədir. Düşünürəm ki, bu, hər kəsin şəxsi seçimidir. Məşqçilər və digər insanlar peyvənd etməyinizi istəyə bilər, amma seçim azadlığım var. İnsanları peyvənd vurdurmağa məcbur etməzdim. Bu, onların seçimi və onların bədənidir".

Qeyd edək ki, Robinson 2020-ci ilin noyabrı və bu ilin avqustunda koronavirusa yoluxub.

Xatırladaq ki Robinson İrlandiyanın DÇ-2022-nin seçmə mərhələsində millimizlə səfər oyunu üçün heyətində yer alıb.Sözügedən görüş oktyabrın 9-u keçiriləcək.


Son xəbərlər
08.04.26  17:35

14 illik həsrət bitdi

topaz banner