Yuxarı
22:30
"Qəbələ"nin kapitanı Asif Məmmədov Vətən Müharibəsində şəhid olmuş Abbasov Müşfiq haqda öz sosial şəbəkə hesabında paylaşım edib.
Qol.az xəbər verir ki, o, paylaşımda yazıb:
"Əslində bir neçə dəfə Müşfiq haqda yazmaq istəmişəm, amma hər dəfə düz olub-olmadığını düşünə-düşünə yazmaq vaxtını ötürmüşəm.
İndi isə şəhidliyindən düz bir il sonra yazmalıyam. Sənin aramızda olmadığına inanmaq nə qədər çətin olsa da... Çünki sənin igidliyinə güvənib ətrafına yığışanda da sənin gülləyə tuş gələ biləcəyinə inanmazdıq. Mənə "gəl şəkil çəkdirək, buralarda kimin başına nə gələcəyini bilmək olmaz" deyəndə də, "təcili Vətən üçün ölmək lazımdı" səsli mesajına qulaq asanda da inanmamışdım, öz-özümə "yəqin zarafat eləyir" deyə düşünmüşdüm. Hətta son dəfə posta qalxanda dediyin sözlər indi də qulağımdadır. "Posta qalxmaq bizim üçün, qalxmamaq ordakılar üçün təhlükəlidi" deyib, özün üçün təhlükəli olanı seçməyi, vurulmaq ehtimalının 50 faizdən də çox olmasına baxmayaraq, Vətən üçün hər şeyi gözə almağı öyrəndim o gecə səndən! Posta qalxandan heç yarım saat keçməmiş o əzəmətli cansız bədənini atışmanın altından çıxaranda da inanmırdım belə qəhrəmanın vurulduğuna...
Yenə inanmıram! Hər dəfə məzarını ziyarətə gələndə də, indi ayağa qalxacağını, gülə-gülə "sən də inandın güllənin məni öldürə biləcəyinə" deyəcəyini gözləyirəm... İnanmadım, Müşfiq! Yenə inanmıram, çünki sən ölmədin! Sən həmişə yaşayacaqsan!".
“Mən sağ və salamatam”
FİFA-dan yeni qərar
Levandovski 150-yə çatdı
“Turan Tovuz”da ilk
Dördüncü uğursuz start
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər
FIFA və UEFA Laportanın açıqlamalarını mənfi qarşıladılar
"Real"ın oyunçusuna "qırmızı" verən hakim cəzalandırılacaq
"Yuventus" onu azad agent kimi transfer etmək istəyir
Azərbaycan klubundan ayrıldı, ölkəsinə yollandı
