"Maksim Medvedev və Anton Krivotsyuk oynamayacaq. Düşünürəm ki, sabah meydana Dublindəki heyətə yaxın "11-lik" çıxacaq".
Qol.az xəbər verir ki, bu sözləri futbol üzrə Azərbaycan millisinin baş məşqçisi Canni De Byazi Bakıda Portuqaliyaya qarşı keçirəcəkləri 2022-ci il dünya çempionatının seçmə oyunundan öncə mətbuat konfransında deyib.
İtaliyalı mütəxəssis bildirib ki, ümid sonda ölür: "Amma biz daha çox faktlara fikir verməliyik. FIFA reytinqində 47-ci yerdə gedən komandaya qarşı yaxşı oynadıq. Baxımlı oyun göstərdik. İntensivliyi 90 dəqiqə qorumalıyıq".
65 yaşlı baş məşqçi son iki matçda meydana fərqli start heyəti buraxmasının səbəbini açıqlayıb: "Bu sualın cavabı çox asandır. Avqustun 25-dən məşq edirdik. Ayın 30-da ölkə xaricində oynayan futbolçular bizə qoşuldu. Onları ikinci hissəyə saxlamışdıq. Fikrimcə, Lüksemburqa qarşı ilk hissədə pis oynasaq da, ikinci yarıda oyunumuzu tapdıq. Heç-heçə edə bilərdik".
De Byazi Lüksemburq və İrlandiya ilə oyunlarda qazanılan 1 xala da toxunub: "Təbii ki, bundan razı qalmaq olmaz. Amma əvvəlcə hansı qrupda mübarizə aparmağımıza baxmaq lazımdır. Düzdür, reytinqdə 5-ciyik, amma bunun heç bir önəmi yoxdur. Cəmi 1 ildir bu komandaya rəhbərlik edirəm. Gələcəkdə mən olsam da, olmasam da, bu kollektiv gələcək üçünyaxşı layihə alına bilər".
Təcrübəli mütəxəssis bir müddət öncə İtaliya mətbuatına verdiyi müsahibədə fikirlərinin təhrif olunduğunu vurğulayıb: "Mən demişəm ki, Portuqaliya və Serbiya birinci yer, İrlandiya, Azərbaycan və Lüksemburq isə 3-cü yer uğrunda mübarizə aparacaq".
De Byazi Portuqaliya millisinin kapitanı Kriştianu Ronaldunun sabahkı matçı buraxmasına da münasibət bildirib: "Ronaldu çox böyük oyunçudur. Amma rəqibin heyətində kifayət qədər güclü futbolçular var. Oyunçu baxımdan problemləri yoxdur. Amma futbolda hər şey ola bilər. Fernandu Santuş hələ də mənim hədiyyəmi verməyib. O, yığmaya mənim sayəmdə gəlib. Çünki məhz Albaniya millisi Portuqaliyaya qalib gəldikdən sonra Santuş milliyə baş məşqçi təyin olundu və məğlubiyyətsiz Avropa çempionluğunu qazandı. Ümid edirəm ki, sabah yenə mənə uduzacaq, amma komandasını qrup birincisi edəcək".
Baş məşqçi yığmanın liderinə çevrilən Emin Mahmudov barədə də fikirlərini bölüşüb: "Bir il öncə Emini yaxşı tanımırdım. Yalnız videolarına baxmışdım. Əvvəllər aramızda problem olub. Bir dəfə onu nəsə içməyə çağırdım. Təbii ki, bu, spirtli içki deyildi. Həmin söhbətdən sonra onun yaxşı insan olduğunu gördüm. İstərdim ki, digər futbolçulardan da ondan nümunə götürsünlər".
De Byazi İrlandiya ilə matçdakı (1:1) hakim səhvi barədə heç bir beynəlxalq quruma müraciət olunmadığını söyləyib: "Heç kimlə əlaqə saxlamadıq. Təbii ki, hamımız qələbəni əldən verdiyimiz üçün pis olduq. 3 xal bizim üçün yaxşı motivasiya ola bilərdi. İrlandiya ilə görüşdə Rüstəm Əhmədzadə ağır zədə alsa da, əlindən gələni etdi. Demək olar ki, bir ayaqla oynayırdı. Bütün futbolçularda həmin istəyi görməyi arzulayıram. Belə olsa, çox az oyunda uduzarıq".
Qeyd edək ki, sentyabrın 7-də Bakı Olimpiya Stadionunda oynanılacaq Azərbaycan - Portuqaliya matçı saat 20:00-da start götürəcək. (Report)
Həm oyun nəticələri, həm maliyyə göstəriciləri pisləşir
Həftənin hakimləri açıqlandı
Xankəndidə vurulan qollar - Video
“Messiyə belə yox deyərdim”
38 ildən sonra doğma stadionuna qayıtdı
Bu gün Xankəndidə yaşananlar - Şəkillər
“Real”ın ən yaxşısı seçildi
Veteran futbolçu Xankəndi ilə bağlı xatirələrini bölüşdü
“Bu stadionda çox qollar vurmuşam” - Samir Ələkbərov
“Gələn mövsüm çempionluq üçün mübarizə aparacağıq” - Nəcəfov
Tarixi oyunda topa ilk toxunuşu şəhid övladı etdi - Şəkil
“Xankəndi” doğma stadionda ilk oyununa çıxdı
“Real” Tçuameni ilə müqaviləni uzatdı
Azərbaycan millisinin heyəti açıqlandı
Hakimə daş atan futbolçu 8 il futboldan uzaqlaşdırıldı
Kompani səhhətindəki problemlərdən sonra ilk dəfə danışdı
“Real”ın sabiq futbolçusu karyerasını başa vurdu
“Millimizə sürətli vingerlər lazımdır” – Mircavadov
"Sabah”ın futbolçusu məyusluğunu gizlətmədi
Millimizin üzvləri məktəblilərlə görüşdü - Şəkillər
PSJ-dən Markinyos qərarı
İnfantino gizli danışıqlar aparıb
Avropa Klublar İttifaqı UEFA-dan şikayət etdi
Kvaratsxeliya 2026-cı ilin adamı seçildi
"Real" pankarta görə cərimələndi
İtaliya klubu itlə müqavilə bağladı - Şəkil
Kloppun keçmiş köməkçisi baş məşqçi oldu
Avropa çempionatı: Daha 4 boksçumuz 1/4 finalda
Arda Güler “Real”la yeni müqaviləsindən danışdı
Cəzalı olsa da, millinin toplanışını yarımçıq qoymadı
İlin ən yaxşı klubuna namizədlər bilindi
Bellinqemin “Real”dan tələbləri var
Qvardiolanı ABŞ millisinə dəvət etdi
“Qarabağ” Qazaxıstan klubu ilə qarşılaşdı