Maradona dünyasını dəyişdi

Maradona dünyasını dəyişdi
XƏBƏR 25 Noyabr 2020 / 20:35 4593
-  A +

Dünya futbolunun əfsanəvi oyunçusu Dieqo Maradona dünyasını dəyişib.

Qol.az "Clarin"ə istinadən xəbər verir ki, argentinalı sabiq futbolçu 60 yaşında həyatını itirib.

Bundan əvvəl o, beyinə qan sızması səbəbindən xəstəxanaya yerləşdirilmişdi. Keçmiş futbolçu daha sonra noyabrın 11-də evə buraxılmışdı.

Bu gün isə Maradonanın ürəyi tutduğu və ağır vəziyyətdə yenidən xəstəxanaya aparıldığı, həyatını xilas etmək mümkün olmadığı bildirilib.

Qeyd edək ki, “Futbolun Tanrısı” adlandırılan Maradona karyerasına 1997-ci ildə “Boka Xuniors”da son qoyub. Klub karyerasında ümumilikdə 491 dəfə meydana çıxan Maradona 259 dəfə rəqib qapılarına yol tapıb.

O, 1977-1994-cü illərdə Argentina millisnin formasını geyinib. 91 dəfə milli komanda ilə meydana çıxan Dieqo 34 qol vurub. “Futbol Tanrısı” 1986-cı ildə Meksikada keçirilən dünya çempionatının qalibidir. Komandasının kapitanı olan Armando uğurda böyük pay sahibi olduğu üçün “Qızıl top” mükafatını da alıb. Maradona “Napoli” ilə iki dəfə (1987, 1990) İtaliya çempionu olub. O, son olaraq Argentinanın "Ximnasiya və Esqrima" klubunun baş məşqçisi olub.

 

Daha çox


Son xəbərlər
23.01.21  19:59

Salahlı 100-ə çatdı

23.01.21  10:58

Neymar 100-ə çatdı

22.01.21  19:40

"Çelsi" onu istəyir