19:14
"Linfild"in futbolçusu Kris Keysment Avropa Liqasının pley-off mərhələsində "Qarabağ"la ilk oyundan (3:2) sonra klubun saytına müsahibə verib. Qol.az-ın məlumatına görə, o, qələbə qazandıqlarına görə xoşbəxt olduqlarını söyləyib.
- Oyundan sonra təəssüratlarınız necədir?
- Çox xoşbəxtik. Əla oyun göstərdik. Oyun planına əməl etdik. İlk qolu buraxdıqdan sonra yaxşı reaksiya verdik. İlk hissənin sonunda iki qol bizi ürəkləndirdi. Prinsipcə, 3:2 hesabı bizə ümid verir. Azərbaycana yaxşı əhval-ruhiyyədə gedəcəyik. Döyüşmək məcburiyyətində qalacağıq.
- "Qarabağ"la oyununun sizin üçün mövsümün ən vacib matçı olduğunu hiss edirdiniz?
- Əlbəttə. Avropa Liqasının qrup mərhələsindən bir addım geri qalırıq və bu matç ikinci oyun öncəsi yaxşı nəticə əldə etmək şansları yaratdı. Bundan da istifadə etdik. “Qarabağ” ın yaxşı komanda olduğunu bilirik.
- Rəqibə nəyin hesabına qalib gəldiniz?
- Qol buraxıldıqdan sonra da azarkeşlərin güclü dəstəyini hiss etdik, həqiqətən də bizi irəli apardılar. Başqa bir şansımızın olmayacağını başa düşdülər. Mənə elə gəlir ki, biz "Qarabağ"ı bir qədər üstün tutduq və əvvəlcə bir az qorxduq. Şükürlər olsun ki, həyəcanlanmadıq, oyunumuza davam etdik.
- İkinci görüşdən gözləntilər nədir?
- Mübarizə aparmalıyıq, sonra nəticə gələcək. Qarşıda 90 dəqiqə var, bu müddət ərzində Avropa Liqasının qrup mərhələsinə layiq olduğumuzu göstərməliyik. Futbol qəribə bir oyundur, bu gün kənar adam sayılırsınız, ancaq bir saat yarım ərzində meydanda hər şey dəyişir. İnanılmaz bir nəticə əldə etdik və Bakıya yüksək əhval-ruhiyyə ilə gedirik.
ÇL matçına çıxmamaq cəzasından son anda xilas oldu
La Liqanın ən bahalı futbolçuları kimlərdir?
“Şəki Siti”nin əzmkar geridönüş qələbəsi - Video
MLS rəhbərliyi çempionat təqvimində dəyişiklik edir
"Barselona"dan yeni rekord
"Bavariya"dan "Real"a keçə bilər
"Çelsi"nin kapitanı sıradan çıxdı
Rəhim Həsənov hakimlərin qərarını təsdiqlədi - Video
Çempionlar Liqası finalının bilet qiymətləri bəlli oldu
Millidən qayıtdıqdan sonra qol vura bilmir
Milliyə kimlər çağırıldı?
Qvardiola ÇL matçından öncə komandasını istirahətə göndərdi
"Barselona"nın qapıları Messinin üzünə açıqdır"
"Çelsi"yə transfer qadağası qoyuldu
“D” lisenziyalı məşqçi kursları keçiriləcək
