16:50
"Qarabağ"ın polşalı müdafiəçisi Kuba ölkəsinin mətbuatına müsahibə verib.
Qol.az-ın məlumatına görə, o, Çempionlar Liqasındakı mübarizələrindən və digər məsələlərdən danışıb.
- Necəsiz? Çempionlar Liqasının "Şerif"lə cavab oyununda burnunuz və barmağınız zədələndi.
- Düzdür, burnumda sınıq var idi. Ancaq həkimlər bunun üçün xüsusi maskaya ehtiyac olmadığını dedilər. Hər şey qaydasındadır. Barmağım da pis deyil. Əsas odur ki, "Qarabağ" pley-offa yüksəldi. Bu komanda heç vaxt pley-off mərhələsində oynamayıb. Tarixi bir şansdır. Qrupa da vəsiqə qazana bilərik. Rəqibimiz güclü "Kopenhagen" olacaq. Onların güclü olduğunu dana bilmərik. Amma biz hamını təəccübləndirmək və ÇL-in qrup mərhələsinə adlamaq istəyirik. İkinci dəfə ÇL-in qrupunda oynamaq mənim üçün möhtəşəm olardı.
- Sabiq klubunuz "Legiya" "Astana"ya uduzdu. Uzun illər çıxış etdiyiniz komanda "Qarabağ"ı 3-cü təsnifat mərhələsində məğlub etdiyi "Şerif"lə qarşılaşacaq...
- "Şerif" zəif komanda deyil. Biz onlarla oyunda asan qələbə qazanmadıq. Lakin "Legiya" fərdi cəhətlərdən də, komanda şəklində də rəqibdən güclüdür. Polşa çempionu Moldova klubunu keçməyə borcludur.
- "Şerif"in stadionunu necədir? Azarkeşlər necə ab-hava yaradır?
- Yaxşı stadionları var. Ümumiyyətlə, komandanın əla bazası mövcuddur. Yəni “Legiya” üçün çətin olacaq.
- "Legiya"nı Azərbaycandakı yaxşı maliyyə imkanlarına görə tərk etdiniz. Bu, çox maraqlı qərar idi...
- Menecerim Azərbaycandan təklif olduğunu bildirəndə yaxşı maliyyə imkanlarına işarə verdi. Fikrimcə, heç də yanılmadım. Bugünkü qərarımdan razıyam və xoşbəxtəm. Çünki maliyyə bir yana çox gözəl komandaya gəlib düşmüşəm. Baza və stadion var. Komanda yaxşı oyun göstərir. Bakıda günəş var. Mən günəşi çox sevirəm. Bura gəldiyim gündən yağış yağmayıb.
- Azərbaycanda Polşada oynayan kiminləsə görüşdün?
- "Yagielloniya"da çıxış etmiş Dani Kintana bizim komandadadır. Həmçinin, Donald Gerrye vaxtilə "Visla" da oynayıb.
- “Qarabağ” Ağdam klubu olsa da, Bakıda oynayır. Bu məsələnin tarixi haqda danışa bilərsiz?
- Ağdam klubu uzun illər əvvəl qurulub. Lakin şəhər Ermənistan tərəfindən işğal olunub. Bu səbəbdən biz Bakıda oynayırıq. Amma burada xeyli azarkeşimiz var. Böyük məqsədləri olan komandayıq. ÇL və çempionluq üçün mübarizə aparırıq və hamısına nail olacağıq.
Xusanov ata oldu - Video
"Sevilya"nın yeni baş məşqçisi bəlli oldu
Zədəli ayağı əvəzinə sağlam dizini müayinə ediblər!
Yeniyetmələrdən elit liqaya qədər korrupsiya qalmaqalı
Hakimi "Real"a keçir?
Zədələrə rəğmən "Bayer" ona güvənir
Yamal İspaniya millisinin məşqini buraxdı
Zədə səbəbindən millinin düşərgəsini tərk etdi
ABŞ klubundan Nərimanla bağlı yeni paylaşım - Video
Türkiyə yeni mövsüm avrokuboklarda necə təmsil olunacaq?
Qrizmannın MLS-də oynayacağı rəsmiləşdi
"Atletiko"dan "Arsenal"a keçə bilər
Modriçə sabiq klubundan təklif var
Tudorun “Tottenhem”dən ayrıldığı bildirilir
Depay 1 ay oynamayacaq
"Tottenhem"də baş məşqçi vəzifəsinə iki namizəd
Mbappe bu xəbəri yalan adlandırdı
4 min dollara bilet olar? - FİFA-dan şikayət edildi
