20:25
"Deməzdim ki, oyuna çox pis başladıq. Sadəcə, yaxşı ötürmələr edə bilmədik. Sağdan-sola, soldan-sağa oynadıq. Lakin ikinci hissədə daha yaxşı çıxış etdik".
Bu sözləri Azərbaycanın 21 yaşadək futbolçulardan ibarət milli komandasının üzvü Barış Ekincier Avropa çempionatının seçmə mərhəlləsində Sumqayıtda Lixtenşteyni 1:0 hesabı ilə məğlub etdikləri oyun barədə danışarkən deyib.
20 yaşlı yarımmüdafiəçi bildirib ki, komandada "cırtdanlar"a eyni hesablı səfər məğlubiyyətləri ilə bağlı sıxıntı olmayıb. Yeganə qolun müəllifi rəqibin müdafiə taktikasına üstünlük verəcəyini öncədən bildiklərini diqqətə çatdırıb: "Çox yaxşı oldu ki, qolu vurduq. 1:0 hesabı ilə qalib gəldik. Hamı hesabın daha böyük olacağını düşünürdü, amma istənilən hesablı qələbə elə 3 xaldır. Nə qədər qol vursaydıq da, elə bu qədər xal alacaqdıq. Qol vura bilmədiyimiz dəqiqələr bir-birini əvəzlədikcə, stresə düşürdük. Amma həmin dəqiqələrdə çoxlu şanslarımız oldu. Bu səbəbdən qolun vurulması lazım idi. 65-ci dəqiqədə standart vəziyyətdən sonra top mənə tərəf gəldi və başla qol vurdum. İndi Lixtenşteynin 3, bizim 6 xalımız var. Biz Slovakiyanı da yenmişik, onlar isə daha heç bir komandaya qalib gələ bilməzlər".
Ekincierin sözlərinə görə, baş məşqçi Milan Obradoviç onlara 1:0 hesablı qələbənin yetərli olduğunu söyləyib: "Media daha çox qol istəyir deyə, 5 dənəsini vurmaq niyyətində deyildik. Hərçənd, yenə qol imkanları yaratmışdıq. Amma baş məşqçimiz 1:0-ın da yetərli olduğunu dedi. Elə də oldu və 3 xal qazandıq".
Gənc oyunçu 6 xalla kifayətlənməyəcəklərini də vurğulayıb: "Slovakiyanı evdə olduğu kimi səfərdə də uda bilərik. İsveçrəyə qarşı elə Sumqayıtda çox yaxşı oynamışdıq. Məncə, səfərdə onları udmaq mümkündür. Gürcüstanla qarşılaşmada qırmızı vərəqə almasaydıq, böyük hesabla uduzmazdıq. Bu komandadan səfərdə 3 xal almaq olar. Fransadan xal almaq isə çox çətindir. Məncə, bu rəqib qrupda hamını udacaq".
Ekincier Azərbaycanın əsas millisində oynamağa özünü hazır saydığını da açıqlayıb: "Baş məşqçi Nikola Yurçeviç məni çağıracağını demişdi. Amma hələ dəvət etməyib. İnanıram ki, yaxın vaxtlarda bu, gerçəkləşəcək" (Report)
_22.01.19.jpg)
21-ci əsrdə ilk dəfə
"Barselona"da ciddi itki
"Qəbələ"ni tərk etdi
Sane rəsmən "Bavariya"da
Çempion darmadağın oldu
Ronaldonun rekordu yeniləndi
"Milan"dan yeni transfer
Azərbaycanda idman oyunları qadağası uzadıldı
Xüsusi karantin rejimi yenidən uzadılır - Rəsmi
"Real"ın futbolçusu "İnter"də - Rəsmi
AFFA yeni hakimləri təsdiqlədi
Avropa Liqasında yeni mövsümün təqvimi
Etopaz polislərimizi təbrik etdi - Video
Cengiz Ünder üçün təklif
"Qrizmann Messinin üzünə yumruqla vurmalıdır"
ÇL-də yeni mövsümün tam təqvimi
Millimizin üzvünün qardaşından yeni müqavilə
"Barselona"nın futbolçuları Setyeni dəstəkləmirlər
