16:15
«Qarabağ»ın yeni transferi Admir Telinin Qol.Az-a müsahibəsi
- İkinci dövrənin ilk turunda «Bakılı» ilə matçda «Qarabağ»ın heyətində rəsmi debüt etdin. Təəssüratların necədir?
- İlk matçda meydana çıxdığıma görə sevinirdim. Şadam ki, baş məşqçi mənə ilk dəqiqələrdə meydana buraxdı. Mən də öz oyunumla onun etimadını doğrultmağa çalışdım. Sevinirəm ki, «Qarabağ»da debütüm uğurlu alındı. Hesab arasındakı fərq böyük olsa da, oyun çox maraqlı alındı.
- İlk matçdaca fərqləndin...
- Bu, sevincimi ikiqat artırdı. İlk oyunda qol vurmaq hər futbolçuya qismət olmur. Oyundan əvvəl qol vuracağımı ağlıma belə gətirmirdim. Çünki mən müdafiəçiyəm. Lakin imkan düşdü və mən də qolumu vurdum.
- Növbəti turda «Qarabağ»ı medallara iddialı «Olimpik»lə vacib oyun gözləyir. Həmin görüş haqda nə düşünürsən?
- «Olimpik»in oyununu izləməsəm də, bilirəm ki, güclü rəqibdir. Onlar da avrokuboklara düşmək uğrunda mübarizə aparırlar. Əminəm ki, «Olimpik»lə matç daha ağır keçəcək. Lakin həmin matçda da qələbə qazanmaq üçün əlimizdən gələni əsirgəməyəcəyik.
- Yeni komanda yoldaşların haqda nə deyə bilərsən?
- «Qarabağ»da çox gözəl və mehriban kollektiv yığışıb. Heyətdə kifayət qədər güclü futbolçular var. Komandamızın kapitanı Aslan Kərimov, Zaur Ramazanov və Artim Şakiri çox təcrübəli futbolçulardır. Heyətdə yer alan oyunçuların yarısı təcrübəlilər, futbolda sözünü demiş oyunçular, digər yarısı isə gənclərdir.
- Baş məşqçiniz də gəncdir...
- Hə, Qurban Qurbanov da gəncdir. Lakin bilirəm ki, o, Azərbaycan futbolunda sözünü deyib. Bilirəm ki, vaxtı ilə milli komandanın kapitanı olub və eyni zamanda «Neftçi»də də çıxış edib. Onun səfərdə Serbiya millisinin qapısından iki top keçirməsindən də xəbərdaram.
- Ölkəmizə gəlməmişdən öncə, Azərbaycan futbolu haqda hansısa məlumatın var idi?
- Bəzi klublar haqda eşitmişdim. Konkret olaraq «Neftçi», «Xəzər-Lənkəran» və «İnter» kimi klubların mövcudluğundan xəbərdar idim. Lakin onların iştirakı ilə hansısa oyuna tamaşa etməmişdim. Təbii ki, «Qarabağ» haqda da məlumatım vardı. Çünki burada məndən qabaq Şakiri və Ramazani forma geyirdilər.
- Yəqin ki, «Qarabağ»dan təklif aldıqdan sonra da məhz onlarla məsləhətləşdin?
- Hə, elədir. Onlarla əlaqə saxladım və klub haqda məlumat topladım. Onlar da öz növbələrində «Qarabağ» haqda yalnız xoş sözlər söylədiklərindən təklifi məmuniyyətlə qəbul etdim.
- Yəqin ki, komanda yoldaşların arasında da elə həmyerlilərinlə münasibətin daha yaxşıdır?
- Düzdür, boş vaxtımın əsas hissəsini Şakiri və Ramazani ilə birgə keçirirəm. Ailəm burda olmadığından onlar üçün darıxıram. Həmyerlilərim isə məni darıxmağa qoymurlar. Onlarla birgə vaxtımı xoş keçirirəm. Amma «Qarabağ»ın bütün futbolçuları ilə dostluq edirəm. Çünki komandamızda hamı bir-biri ilə çox mehribandır.
- Digər klublardan hansınınsa oyununu izləməyə imkan tapmısan?
- «İnter»in oyununa baxdım. Bu komandanı çox bəyəndim. «İnter»in heyətində kifayət qədər güclü futbolçular çıxış edir. Düşünürəm ki, əsas rəqiblərimizdən biri də məhz elə bu komandadır.
- Ölkəmizə gəlməmişdən öncə «Hacettepe»də çıxış etmisən. Türkiyə futbolu ilə Azərbaycan futbolunu müqayisə edə bilərsən?
- Bu iki ölkənin futbolu arasında çox böyük fərq var. Xüsusən də təşkilatı baxımdan. Türkiyədə klublar daha peşəkardırlar. Stadionlar arasındakı fərq də böyükdür. Orada meydançalar daha yüksək səviyyədədir. Amma ümid edirəm ki, yaxın gələcəkdə Azərbaycanda da bu cür problemlər aradan qalxacaq. Hər şey yüksək səviyyədə olacaq.
- Bəs maddi baxımdan necə, fərq böyükdür?
- Maddi baxımdan elə də böyük fərq yoxdur. Demək olar ki, şərtlər eynidir. Amma təbii ki, bu sözləri deyəndə mən «Qalatasaray» və ya «Fənərbaxça»nı nəzərdə tutmuram. Söhbət orta səviyyəli klublardan gedir.
- Sirr deyilsə, «Qarabağ»la bağladığın müqavilənin dəyərini açıqlaya bilərsən?
- Yox, buna ehtiyac görmürəm. Çünki bu müqavilə mənimlə klub arasında bağlanıb və onun dəyərini açıqlamaq düz çıxmazdı.
_22.01.19.jpg)
"Köln"də yeni baş məşqçi
Ronaldo üzr istəyəcək
Rüfət zədəsindən danışdı
İngiltərədən darmadağın - Video
"Meydança kartof sahəsinə bənzəyirdi" - Ronaldo
Ukrayna millisindən tarixi nəticə
Portuqaliya millisi Avro-2020-də
"İnter" Jirunu "Çelsi"dən alır
Almaniya yığmasından rekord göstərici
"Qarabağ" - "Düdelanj" matçının biletləri satışa çıxarılır
“Qəbələ”nin durumu necə olacaq? – Vəziyyət kritikdir
“Barselona” Messi ilə danışıqlara başladı
Baş məşqçi 27:0 hesablı qələbəyə görə qovuldu
Bakını qırmızıya bürümüş britaniyalılar - Video
Onlar Avro-2020-də oynayacaqlar - 24 komandadan 16-sı
Pulu AFFA-dan aldı, qolu ispanlar üçün vurdu
Millimiz 90-cı illərə qayıdır – Yenə 1 xal
Xorvatiya, Almaniya, Hollandiya və Avstriya Avro-2020-də
Belçikadan Rusiyaya 4 qol - Video
"Özümün də çox səhvim oldu" - Ramil Şeydayev
"Qara Qarayevə qarşı oynamaq çox çətindir" - Ben Deyvis
