Millinin qələbəsinə Rövnəq Abdullayevdən münasibət

Millinin qələbəsinə Rövnəq Abdullayevdən münasibət
XƏBƏR 8 Oktyabr 2016 / 23:18 6748
-  A +

"Nəticə kimi qane etməyə bilər? Təbii ki, yığmamızın oyunu xoşuma gəldi".
 
Bunu Azərbaycan yığmasının Norveçə 1:0 hesabı ilə qalib gəldiyi DÇ-2018-in seçmə qrup matçından sonra jurnalistlərə açıqlamasında AFFA prezidenti Rövnəq Abdullayev deyib.
 
Əvvəlcə milli üzvlərini paltardəyişmə otağında təbrik edən R.Abdullayev daha sonra brifinq keçirib: “Rəqib güclü və iddialı komanda idi. Hətta norveçli jurnalistlər dünən millimizin mətbuat konfransına da gəlməmişdilər. Sanki hər şeyi həll etmişdilər. Ancaq biz arxayın həyat yaşamırıq. Mənim üçün necə oynamağımızın fərqi yoxdur. Çox sevinirəm ki, 2 oyundan 6 xalla Azərbaycan qrup lideridir. Bu, bizim tariximizdə olmayıb. Hamınızı təbrik edirəm".
 
AFFA prezidenti seçmə mərhələyə "Niyə də yox?" şüarı ilə başladıqlarını xatırladaraq, "Komandamızın heç kimdən çatışmazlığı yoxdur, əksinə artıqdırlar. Ona görə də dedim ki, gedin, vuruşun, qazanın" söyləyib.


Son xəbərlər
16.04.26  20:17

Messi klub sahibi oldu

16.04.26  17:57

"Liverpul"da qalacaq

topaz banner