Əmrə Mordan Terim açıqlaması - "Əsəbiləşdim"

Əmrə Mordan Terim açıqlaması - "Əsəbiləşdim"
XƏBƏR 7 Sentyabr 2016 / 20:25 7829
-  A +

Türkiyə millisinin futbolçusu Əmrə Mor baş məşqçisi Fatih Terimlə yaşadığı mübahisə barədə danışıb.

Qol.az-ın "Hürriyət"ə istinadən yaydığı xəbərə görə, gənc oyunçu Xorvatiya ilə görüşdə əvəzləndiyi üçün F.Terimə əsəbləşmədiyini deyib:

"Yaxşı oynamadığıma görə özümə əsəbiləşdim. Daha yaxşı çıxış edə biləcəyimi düşünürdüm. Pis oynadığım üçün özümlə hesablaşaraq əsəbiləşdim. Bunun başqa cür anlaşılmasını istəmirəm. Fatih Terimə qarşı heç vaxt pis hərəkət etmərəm. Təəssüfləndiyim tək şey ata kimi gördüyüm Fatih Terimə və komanda yoldaşlarım olan qardaşlarıma lazımi dəstək verməməyimdir. Hazırda mənə olan bu dəstəyin əvəzini vermək istəyirəm. Üzərimdə məsuliyyət hiss edirəm".

O, paltardəyişmə otağını erkən tərk etdiyi iddialarına da münasibət bildirib:

"Bu, yalan xəbərdir. Almaniyaya qayıdacaq digər oyunçularla oradan ayrılıb hava limanına getdim. Nuri Şahinlə birgə Almaniyaya getdik. Bu cür polemikalarla yox, oyunu ilə danışılan Emre olmaq istəyirəm".

Qeyd edək ki, Ə.Morun DÇ-2018-in seçmə mərhələsində Xorvatiya ilə oyunda (1:1) əvəzləndiyi üçün baş məşqçisi F.Terimə əsəbiləşdiyi iddia edilirdi.

Daha çox


Son xəbərlər
topaz banner