17:00
“Xəzər Lənkəran"ın kapitanı Rahid Əmirquliyev Azərbaycan Premyer Liqasının 18-ci turunda "İnter"ə 0:2 hesabı ilə uduzduqları oyundan sonra jurnalistlərin suallarını cavalandırıb. Qol.Az-ın məlumatına görə, R. Əmirquliyev müsahibəsində transfer məsələlərindən və gələcək karyerasından danışıb.
- Mətbuatda artıq “Qarabağ”la müqavilə imzalamağınla bağlı xəbərlər yayılır.
- Mən də bu xəbəri mətbuatdan oxumuşam. Amma hələ heç nə rəsmiləşməyib. Sadəcə danışıqlar olub.
- Razılıq əldə olunub?
- Razılaşmaqla rəsmi müqavilə imzalamaq ayrı-ayrı şeylərdir. Biz rəsmi müqavilə imzalamamışıq.
- Amma çox ehtimal ki, yeni klubun “Qarabağ” olacaq.
- Ola bilər. Amma başqa variantlar da var. Sabah bütün suallar cavabını tapacaq.
- Sənin çıxış edəcəyin mövqedə 4 futbolçu "Qarabağ"da var. Belə olan halda sənin üçün “Qarabağ”a keçməyin daha vacib idi, yoxsa rahat şəkildə əsas heyətinə düşə biləcəyin “Qəbələ”yə?
- “Qarabağ”da yaxşı futbolçular yer alıb. Orda əsas heyətə düşmək üçün güclü rəqabət var. Əgər “Qarabağ” variantı alınsa, çalışacam özümü sübut edim və əsas heyətə düşə bilim.
- Anlaşmanın müddəti iki il yarım olacaq?
- Sabah bilinəcək. Çünki dekabrın 30-a qədər “Xəzər Lənkəran”ın futbolçusu hesab edilirəm.
- Bir ara Xorvatiyanın “Rijeka” klubu ilə də adın hallanırdı. Bu klubdan rəsmi təklif almışdın?
- Təklif almışdım. Amma heç bir klubla danışıq aparmadım. Çünki üstünlüyü Azərbaycanda qalmağa verdim.
- Xaricə getməməyinin səbəbi nə idi? Bu günə qədər heç bir futbolçumuzun əcnəbi klublarda özünü doğrulda bilməməsi səni qorxutmadı?
- Xaricə getməməyim ailə məsələləri ilə bağlıdır. Çünki bəzi problemlərim var.
- Gəmini sonuncu tərk edən kapitan olur. Bu gün kapitanın ayrılmaq haqda qərar verməyi gəminin batmasına işarədir?
- Mənə də ağır gəlir. “Xəzər Lənkəran”nı bu vəziyyətdə qoyub getmək istəməzdim. Amma belə alındı. Məcbur getməliyəm. Başqa variant yoxdur.
- Qış fasiləsi zamanı transferlərin olacağı bildirilirdi. Sənin gedişin bu deyilənlərin boş vəd olduğu anlamına gəlmir?
- Bu suala rəhbərlik cavab versə, daha yaxşı olar. Amma Lənkəran azarkeşləri bu cür vəziyyətə layiq deyil. Komanda yarandığı gündən çempionluq uğrunda yarışıb. Bu cür çıxış etməkdənsə, oynamamaq daha yaxşı olardı.
- Amma azarkeşlərin səni Lənkarandan qəhrəman kimi yola salır.
- Hər zaman çalışmışam ki, geyindiyim formanın haqqını verim. Azarkeşlərimizə təşəkkür edirəm ki, məni dəstəkləyirlər. Yaxşı günümüzdə olduğu kimi, çətin anlarımızda da bizi yalnız buraxmadılar. Nəsə demək çətindir...
- Tək azarkeşlər yox idman mətbuatımız da bu il səni dəstəklədi və ilin ən yaxşı futbolçusu seçdilər.
- Səs verənlərə təşəkkür edirəm. Çalışacam, daim belə davam edim və hər zaman xoş sözlər eşidim.
- Amma mükafatını almağa gəlməmişdin.
- Mənə 2 gün qalmış məlumat verdilər. Ona görə gəlməyim heç cürə mümkün olmadı.Üzrlü hesab edin.
Ergün SEYİD
Neymardan imtina etdilər
Mourinyo yenə narazıdır
Zidan məşqçiliyə qayıdır
Alman klubundan Mahir Emreli ilə bağlı rəsmi açıqlama
Musiala zədədən sonra ilk dəfə məşq etdi
Levandovski ən çox het-trik edən futbolçu oldu
Neymarın oyunu tənqid olundu
"Mourinyo mənim üçün əsl örnəkdir"
“Atalanta” baş məşqçisi ilə yollarını ayırdı
Qvardiola Haalandın qərarından narazı qaldı
"Araz-Naxçıvan"ın futbolçusu Moldova millisində
Millimizdən İslamiadada növbəti qələbə
UEFA-dan Babək Quliyevə təyinat
Rodriqo İngiltərə Premyer Liqasına keçə bilər
"Turan Tovuz"un legioneri milliyə dəvət aldı
“Real”ın qapıçısı zədələndi
2-ci liqada 8-ci tur 3 oyunla start götürdü
Azərbaycan təmsilçiləri İslamiadada bürünc medal qazandılar
"Neftçi"nin futbolçuları yığma komandalarda
"Napoli" Konte ilə yolları ayıra bilər
Azərbaycanlı futzal hakimi ilk dəfə final mərhələsində
"Ümid edirəm ki, bir gün qayıdacam" - Messi "Kamp Nou"da
İngiltərə millisinin üzvü ilə yeni müqavilə imzalandı
“Sumqayıt”ın legionerləri milli komandalara dəvət aldılar
Fransa millisinin hücumçusu Azərbaycanla oyunu buraxacaq
Bundesliqa klubunda baş məşqçi ayrılığı
Azərbaycan klubunu tərk edib “Fiorentina”ya keçdi
“Qarabağ” kimi komandalar Abubakara heç bir şans verməz”
