13:20
“Qarabağ”ın futbolçusu Cavid Tağıyev Azərbaycan Premyer Liqasının 18-ci turunda evdə “Qəbələ” ilə 1:1 bərabərə qaldıqları oyundan sonra jurnalistlərin suallarını cavablandırıb.
- Çempionluq uğrunda mübarizədə əsas rəqiblərinizdən olan “Qəbələ”ni məğlub edə bilmədiniz. Səncə, bu oyundan 3 xalla ayrılmaq üçün nə çatmadı?
- “Qəbələ” yaxşı komandadır və əsas rəqiblərimizdən biridir. Onlar da son iki oyundur bizim kimi qələbə qazana bilmirdi. Çox çətin oyun oldu. Məqsədimiz 3 xal qazanmaq idi. Əlimizdən gələni etdik. Lakin bərabərliklə kifayətlənməli olduq.
- Aranızdakı xal fərqinin bir qədər böyük olması səbəbindən bu oyunda rəqibinizə güzəştə getdiyinizi söyləmək olar?
- Yox deməzdim ki, güzəştə getdik. Oyuna tam gücümüzü qoyduq. Təəssüf ki, alınmadı. Qol epizodlarından yararlana bilmədik.
- Amma etiraf edək ki, rəqib daha istəkli idi...
- Kənardan elə görünə bilər, lakin biz özümüz də bu oyuna ciddi hazırlaşmışdıq və qələbə qazanmaq istəyirdik. Məncə, pis də oynamadıq. Ümumiyyətlə hər iki komanda yaxşı oyun sərgilədi. Hətta matçın bizim üstünlüyümüz şəraitində keçdiyini də demək olar.
- Komandada arxayınçılıq var idimi?
- Məncə, yox idi. Ola bilər ki, hazırda "qara zolaq"dayıq. Ancaq yenə deyirəm, bütün komandalar kimi biz də meydana qələbə qazanmaq üçün çıxırıq. Bizim üçün rəqiblərlə aramızdakı xal fərqinin əhəmiyyəti yoxdur.
- Zədədən qayıtdıqdan sonra öz oyununu necə dəyərləndirirsən?
- Öz oyunumu qiymətləndirə bilmərəm. Bu haqda nəsə deməyim düzgün olmaz. Amma əlimdən gələni etdim ki, komanda üçün faydalı olum.
- Sənə elə gəlmirmi ki, start heyətində meydana çıxmağın daha düşərli olur? Çünki sonradan meydana daxil olduqda sanki oyunun alınmır.
- Əsas heyətdə oynamağım və ya meydana sonradan daxil olmağım baş məşqçinin qərarıdır. Düzünü desəm, bunu özümdə hiss etməmişdim.
- Qapınıza penalti təyin edilərkən artıq matçın taleyinin həll olunduğunu düşündünmü?
- Həmin anda düşündüm ki, artıq hesab 0:2 olacaq. Şehiç penaltini qaytaranda çox sevindim. Ona "çox sağ ol" deyirəm.
Ergün SEYİD
_22.01.19.jpg)
Çexiyada çempion bilindi
"Hər şey öz əlimizdədir” - "Neftçi"nin futbolçusu
Renat oynadı, komandası "Beşiktaş"dan xal aldı
"Sabah"ın "Sumqayıt" üzərində qələbəsi - Video
"Bizi uşaq yerinə qoymayın" - Samir Abasov
“Neftçi”nin qələbəsinə kölgə salmaq istəmirəm, amma…”
"Zirə" Tovuzda belə qələbə qazandı - Video
"Neftçi" 3 xalı bu 3 qolla qazandı - Video
Adil Şükürov: "Kişi kimi əllərini sıxıb təbrik etdim"
"Bayer" Bundesliqanı qalibiyyətlə başa vurdu
“Neftçi”, “Zirə” və “Sabah”dan vacib qələbə
AFFA Yüksək Qızlar Liqasının qalibi müəyyənləşdi - Şəkillər
Aleks de Souza yenidən Türkiyə Superliqasında
Enrike: "Fransa seriallarına heyranam"
Avro-2024 üçün heyəti açıqladılar
"Səbail" - "Neftçi" oyunu üçün heyətlər
Tovuzda heyətlər açıqlandı
"Sabah" - "Sumqayıt" : Heyətlər
Lamiyə Vəliyeva dünya çempionu oldu
"Real" Kroosla müqaviləni uzatdı
Bu mövsümün sonunda "Arsenal"dan ayrılacaq
Şahruddinin komandasının oyunundan - Video
Fransa Liqa 1-ə yüksələn 2-ci komanda da bilindi
Messinin "İnter Mayami"dəki maaşı açıqlandı
Ernesto Valverde ilə yeni müqavilə imzalandı
Şahruddin 90+2-ci dəqiqədə əvəzləndi
"Neftçi"nin 4 futbolçusu "Səbail"ə qarşı oynamayacaq
