Vaqif Sadıqov futbolçusunun klipə çəkilməsinə münasibət bildirdi

ÖLKƏ FUTBOLU 12 Oktyabr 2009 / 15:57 2472
-  A +

“Hər bir şey insanın özündən asılıdır. Futbolçu ilk növbədə başa düşməlidir ki, onun əsas işi futbol oynamaqdır. Deməli, ilk növbədə bu peşəni ön planda tutmalısan”. Bu sözləri Qol.Az-a “Neftçi”nin baş məşqçisi Vaqif Sadıqov futbolçusu Ruslan Abışovun müğənni Röyanın klipinə çəkilmək planına münasibət bildirərkən deyib. O, ümumiyyətlə, belə şeyləri normal qəbul etdiyini söyləyib: “Kiməsə bunu qadağan etmək olmaz. Axı bunu necə eləmək olar? İndi hansı zəmanədə yaşayırıq ki? Futbolçunun klipə çəkilməsində pis bir şey görmürəm və bunu tam normal qəbul edirəm”. Sadıqov  “qorxmursunuz ki, birdən o, yolunu azar?” sualına isə belə cavab verib: “Yenə təkrar edirəm, belə məsələlərdə hər bir şey insanın özündən, onun iradəsindən, xarakterindən  asılıdır. Məsələn, biz indi millinin məqşinə gedirik. Bir qədər sonra futbolçu avtobusdan düşən kimi də yolunu aza bilər. Düzdür, bizim bu yaşda futbolçularımızda ulduz xəstəliyi olur. Açığı, “Neftçi”nin bütün oyunçuları ilə təkbətək söhbətim olsa da, hələ ki, Ruslanla danışığımız olmayıb. Millinin oyunundan sonra bu da olacaq. Mən bilirəm ki, Abışov çox ciddi, nizam-intizama əməl edən bir futbolçudur. O, özü də başa düşür ki, futbolçu üçün ilk növbədə onun işi birinci planda  olmalıdır. İnanıram ki, onda yolunu azmaq söhbəti olmayacaq”.

Daha çox


Son xəbərlər
17.03.25  12:22

Zubir 300-ə çatdı