Əmrah Çəlikəl: “Umarov cəzalanacaq, özü də çox pis şəkildə”

Əmrah Çəlikəl: “Umarov cəzalanacaq, özü də çox pis şəkildə”
ÖLKƏ FUTBOLU 12 Oktyabr 2009 / 13:45 2247
-  A +

“Umarovun hərəkətinə münasibətim çox pisdir. Çox təəssüflənirik ki, bu cür hərəkəti bizim futbolçumuz etdi. Əgər o, bu hərəkəti “Qarabağ”ın heyətində etsəydi, yenə bağışlamaq olardı. Amma milli komandanın heyətində bunu etmək qəti bağışlanmazdır”. Bu sözləri Qol.Az-a Azərbaycan (U-21) - Avstriya (U-21) milliləri arasında keçirilən Avropa çempionatının seçmə qrup oyununun 88-ci dəqiqəsində kobud səhv edərək komandamızı qələbədən edən Osman Umarovun hərəkətinə münasibət bildirən “Qarabağ”ın direktoru Əmrah Çəlikəl deyib. Çəlikəl futbolçusunun hərəkətinin bağışlanmaz olduğu və onun mütləq cəzalanacağını bildirib: “Cəza mütləq olacaq. Sadəcə, onun miqyası haqqında indi bir söz deyə bilməyəcəm. Sabah və ya birisigün klubun həftəlik iclası keçiriləcək. Həmin iclasda ilk olaraq elə Osmanın məsələsinə baxılacaq. Onu deyə bilərəm ki, qapıçı cəzalanacaq, özü də çox pis şəkildə”.
Klub rəsmisi “ola bilərmi ki, futbolçunuz bu hərəkəti bilərəkdən etsin, ya da onun psixoloji durumu yerində olmasın” sualına isə belə cavab verib: “Bilərəkdən o cür hərəkət etməsini fikirləşmək belə istəmirəm. Bu, artıq çox böyük bir xəyanətdir. Burada mütləq bir səbəb var və həmin səbəb də araşdırılıb tapılmalıdır. Oyunun 88-ci dəqiqəsi gedir, komandamız rəqib önündə üstündür. Belə bir vəziyyətdə heç bir səbəb olmadan rəqibi vurmaq nə nəticədə komandanı qələbədən etmək... Yəni, mən buna anlam verə bilmirəm. Milli komanda məhz Osmanın hərəkətinə görə uduzdu. Hər kəs kimi, biz də bunu çox gözəl başa düşürük və dediyim kimi o, klub tərəfindən öz cəzasını alacaq”.

Daha çox


Son xəbərlər
17.03.25  12:22

Zubir 300-ə çatdı