Mahir Şükürov: “Seçmə mərhələni 7 xalla başa vurmaq istəyirik”

Mahir Şükürov: “Seçmə mərhələni 7 xalla başa vurmaq istəyirik”
ÖLKƏ FUTBOLU 12 Oktyabr 2009 / 12:01 2405
-  A +

“Kapitan kimi ilk oyunda qələbə qazanmaq çox xoşdur. Sevinirəm ki, lazım olan uğuru qazanmağı bacardıq. Kimisə fərqləndirmək istəməzdim, bütün komanda gözəl çıxış etdi”. Qol.Az-ın məlumatına görə, bu sözləri bu gün millimizin məşqindən öncə komandamızın yeni kapitanı Mahir Şükürov jurnalistlərlə görüşündə deyib. M.Şükürovun sözlərinə görə, baş məşqçi oyunun fasiləsində taktiki dəyişikliyə əl atıb və bu, komandaya uğur qazandırıb: “Oyunun çətin keçəcəyini əvvəldən də bilirdik. Bəlkə də ilk hissədə istədiyimiz kimi oynamadıq, amma fasilədə baş məşqçimiz taktiki dəyişikliyə əl atdı və bu, komandaya uğur gətirdi. Rusiyayla oyunda da kapitan kimi meydana çıxacağımı dəqiq deyə bilmərəm. Çünki artıq Samir Abbasov da oynayacaq. Buna görə də sarğını kimin daşıyacağına baş məşqçi qərar verəcək. Rusiyayla oyunda da hamız bizdən qələbə gözləyəcək. Biz də uğur qazanmaq üçün əlimizdən gələni edəcəyik. İstəyirik ki, Rusiya millisini də məğlub edib, seçmə mərhələni 7 xalla başa vuraq”.     

Daha çox


Son xəbərlər
17.03.25  12:22

Zubir 300-ə çatdı